سچ خبریں:صیہونی ذرائع ابلاغ کے ذرائع کا کہنا ہے کہ تل ابیب اور مقبوضہ علاقوں میں یافا کی بندرگاہ میں کئی ہولناک دھماکوں کی آوازیں سنائی دی ہیں۔
عرب ذرائع کے مطابق آج بروز ہفتہ تل ابیب اور صیہونی حکومت کی بندرگاہ یافا سے کئی خوفناک دھماکوں کی آوازیں سنی گئیں، رپورٹ کے مطابق صیہونی حکومت کے ذرائع ابلاغ نے اطلاع دی ہے کہ تل ابیب اور یافا کی بندرگاہ میں تین ہولناک دھماکے ہوئے۔
درایں اثنا اسرائیلی فوج نے اعلان کیا ہے کہ اسے غزہ سے راکٹ فائر ہونے کی اطلاعات موصول ہوئی ہیں اور وہ صورتحال کی تحقیقات کر رہی ہے، صہیونی پولیس نے یہ بھی کہا کہ انہیں تل ابیب کے ساحل سے ایک دھماکے کی اطلاع ملی ہےجبکہ بعض ذرائع نے یہ بھی بتایا کہ مقبوضہ علاقوں میں کم از کم تین دھماکوں کی آوازیں سنی گئی ہیں جو غزہ میں فلسطینی گروپوں کی جانب سے ہشام ابو ہواش کے حوالے سے ایک پیغام لگتا ہے جو 138 دنوں سے بھوک ہڑتال پر ہیں اور اب ان کی صورتحال خطرناک ہوچکی ہے ،یادرہے کہ فلسطینی مزاحمتی تحریک نے ان کی صحت کے حوالے سے صیہونیوں کو انتباہ بھی دیا تھا۔
درایں اثناصیہونی فوج نے غزہ سے دو راکٹ داغے جانے کی تصدیق کرتے ہوئے اعلان کیا ہے کہ راکٹ تل ابیب کے ساحل کے قریب گرے ہیں۔
