خیبرپختونخوا کے سیلاب متاثرہ علاقوں میں پاک آرمی کاریسکیو آپریشن جاری

?️ 17 اگست 2025

اسلام آباد (سچ خبریں) خیبرپختونخوا کے سیلاب متاثرہ علاقوں میں پاک آرمی کا ریسکیو آپریشن جاری ہے۔

مانسہرہ، نیل بان اور بٹگرام میں پاک فوج کی امدادی کارروائیاں جاری ہیں ، نیل بان میں پہنچنے کیلئے ریسکیو ٹیم نے 8 کلومیٹر پیدل سفر کیا۔ پاک فوج کی ٹیم نے سیلاب کے باعث زخمی ہونے والوں کو طبی امداد دی،پاک فوج کی جانب سے 100 سے زائد مریضوں کو طبی سہولیات فراہم کی گئیں۔

سیلاب متاثرہ خاندانوں کو دودھ اور کھانے پینے کی اشیاء بھی فراہم کی گئیں،خراب موسم اور لینڈ سلائیڈنگ نے ریسکیو آپریشن کو متاثر کیا۔ پاک فوج کی ٹیم نے واپسی پر روڈ کلیئرنس کا کام بھی انجام دیا، پاک فوج کی ریلیف ٹیم واپس گورنمنٹ ہائی اسکول چھتر پلین پہنچ گئی۔

مقامی افراد نے پاک فوج کی بروقت امداد پر اظہار تشکر کیا،عوام نے پاک فوج کے انسانی ہمدردی پر مبنی اقدامات کو سراہا۔