بریکس ممالک غیرقانونی اور بلاجواز تجارتی دباؤ کا شکار ہیں:برازیلی صدر

 بریکس ممالک غیرقانونی اور بلاجواز تجارتی دباؤ کا شکار ہیں:برازیلی صدر

 برازیل کے صدر لوئیز ایناسیو لولا دا سلوا نے کہا ہے کہ بریکس ممالک کو غیرموجه اور غیرقانونی ٹیرفی دباؤ اور تجارتی بلیک میلنگ کا سامنا ہے۔ انہوں نے یہ بیان پیر 17 ستمبر کو ورچوئل اجلاس کے دوران دیا، اگرچہ انہوں نے براہِ راست امریکا کا نام نہیں لیا۔

خبر رساں ادارے اناطولیہ کے مطابق لولا نے کہا ہمارے ممالک بلاجواز تجارتی اقدامات کے شکار ہیں۔ ٹیرف کے ذریعے دباؤ ڈالنا اب ایک معمولی حربہ بن گیا ہے، جس کا مقصد مارکیٹوں پر قبضہ جمانا اور ریاستوں کے داخلی امور میں مداخلت کرنا ہے۔

یہ آن لائن اجلاس ڈیڑھ گھنٹے جاری رہا اور برازیلی صدر کی تجویز پر منعقد کیا گیا۔ اس میں چین، مصر، انڈونیشیا، ایران، روس اور جنوبی افریقہ کے رہنماؤں کے علاوہ ابوظہبی کے ولیعہد خالد بن محمد بن زاید، بھارت کے وزیر خارجہ سوبرہمانیم جے شنکر اور ایتھوپیا کی نائب وزیر خارجہ ہدرا آبرا نے بھی شرکت کی۔

لولا نے مزید کہا کہ غیرملکی پابندیوں اور ثانوی تحریموں سے بریکس ممالک کے ادارے متاثر ہو رہے ہیں اور دوست ممالک کے ساتھ آزادانہ تجارت کی راہ محدود ہو رہی ہے۔ ان کے بقول، بریکس کے اندر مالی اور تجارتی انضمام ایک محفوظ متبادل فراہم کر سکتا ہے تاکہ ان پالیسیاں کے اثرات کو کم کیا جا سکے۔

انہوں نے یاد دلایا کہ بریکس ممالک اس وقت دنیا کی مجموعی پیداوار (GDP) کا 40 فیصد، عالمی تجارت کا 26 فیصد اور دنیا کی تقریباً نصف آبادی کی نمائندگی کرتے ہیں۔ لولا نے زور دیا کہ "گلوبل ساؤتھ ایک نیا ترقیاتی ماڈل پیش کر سکتا ہے اور سرد جنگ جیسے رویوں کو مسترد کر سکتا ہے۔

چین کے صدر شی جن پنگ نے اجلاس سے خطاب کرتے ہوئے کہا یکطرفہ پالیسیاں، تجارتی جنگیں اور غیرمنصفانہ ٹیرف عالمی معیشت کو نقصان پہنچا رہی ہیں اور بین الاقوامی تجارتی اصولوں کو کمزور کر رہی ہیں۔

روسی صدر ولادیمیر پوتین بھی اجلاس میں شریک ہوئے۔ کریملن کے مطابق شرکاء نے تجارتی، اقتصادی، مالی اور سرمایہ کاری سمیت دیگر شعبوں میں تعاون بڑھانے پر تبادلۂ خیال کیا۔

ایران کے صدر مسعود پزشکیان نے اجلاس میں مغربی پابندیوں کے خلاف بریکس کا مشترکہ محاذ بنانے کی تجویز پیش کی۔ ان کا کہنا تھا کہ یہ پالیسیاں نہ صرف آزاد ریاستوں کے مفادات کو خطرے میں ڈالتی ہیں بلکہ عالمی تعاون کو بھی متاثر کر کے پائیدار ترقی کو ناممکن بنا دیتی ہیں۔