اربیل میں امریکی فوجی اڈے پر ہائی الرٹ

?️ 6 جنوری 2022

سچ خبریں:عراقی کردستان کے شہر اربیل میں امریکی فوجی اڈے پر ہنگامی الرٹ جاری کیا گیا ہے۔
عراقی ذرائع ابلاغ کی رپورٹ کے مطابق عراقی کردستان کے شہر اربیل میں امریکی فوجی اڈے پر ہنگامی الرٹ جاری کیا گیا ہے،رپورٹ کے مطابق اربیل میں امریکی فوجی اڈے پر راکٹ حملے کی کچھ غیر مصدقہ اطلاعات ہیں،تاہم عراقی یا امریکی حکام نے ابھی تک اس سلسلہ مین کوئی تبصرہ نہیں کیا ہے جبکہ اس سے قبل عین الاسد بیس کو راکٹوں سے نشانہ بنایا گیا ۔

واضح رہے کہ عراق بھر میں امریکی اڈوں پر راکٹ حملے امریکی فوجوں کے انخلاء میں ہچکچاہٹ کے بعد ہوئے جس کے لیے عراقی پارلیمنٹ نے دو سال قبل بل پاس کیا تھا جب امریکی دہشت گرد فوج نے ٹرمپ کے حکم سے عراقی کے سرکاری دورے پر جانے والے ایرانی قدس فورس کے کمانڈر جنرل قاسم سلیمانی اور عراقی عوامی مزحمتی تنطیم الحشد الشعبی کے نایب سربراہ ابومہدی المہندس ایک بزدلانہ حملے میں شہید کر دیا تھا۔

قابل ذکر ہے کہ عراقی پارلیمنٹ میں غیر ملکی فوجیوں کے انخلا کے سلسلہ میں واضح طور پر بل پا س ہونے کے باوجود امریکہ کی جانب سے پیش آنے والی رکاوٹوں کی بنا پر ابھی تک اس بل پر عمل درآمد نہیں ہوسکا ہے، حال ہی میں امریکہ نے عراق سے فوجی انخلا کا ڈرامہ رچایا ہے اور کہا ہے کہ ہم اب اس ملک میں فوجی مشاورت کا کام انجام دیں گے۔