اپنے ملک کو پیش آنے والے ہر خطرے سے نمٹنے کے لیے تیار ہیں:ایرانی جنرل

?️ 1 جولائی 2022

سچ خبریں:ایرانی بری فوج کے کمانڈر بریگیڈیئر کیومرث حیدری کا کہنا ہے کہ ایرانی فوج اپنے ملک کو درپیش ہر خطرے سے نمٹنے کے لیے مکمل تیار ہے۔
ایرانی بری فوج کے کمانڈر بریگیڈیئر کیومرث حیدری نے کہا کہ ہماری فوجی توانائی میں اضافے اور پیشرفت کی بنیاد، دفاعی نوعیت کی ہے اور ملک کی مسلح افواج کو طاقتور بنانے نیز سرحدوں کا باوقار طریقے سے تحفظ کرنے پر استوار ہے۔

ایران کی بری فوج کے کمانڈر نے واضح کیا ہے کہ ایرانی فوج، اپنے عوام کے آرام و آسائش کو نقصان پہنچانے والے ہر قسم کے خطرے کا مقابلہ کرنے کے لئے پوری طرح سے تیار ہے، انہوں نے کہا کہ ہم اپنی دفاعی طاقت و توانائی کو مضبوط بنانے کی منازل طے کرتی رہیں گے۔

قابل ذکر ہے کہ ایرانی سپریم کمانڈر آیت اللہ خامنہ ای نے اکتیس اگست دو ہزار سولہ کے اپنے ایک خطاب میں ایران کے وزیر دفاع، دفاعی و فوجی حکام و ماہرین کو مخاطب کرتے ہوئے ایران کی دفاعی توانائی میں اضافے کو ایران کا مسلمہ حق قرار دیا ہے۔

انہوں نے کہا کہ ایک ایسی دنیا میں جس میں اخلاق و وجدان و انسانیت سے عاری تسلط پسند اور منھ زور طاقتیں، ہر طرح کی جارحیت کا ارتکاب کرتی ہیں نیز دیگر ملکوں کو وحشیانہ جارحیت بنانے اور بے گناہ انسانوں کے قتل عام کرنے سے کوئی گریز نہیں کرتیں، دفاعی حملہ اور دفاعی صنعتوں کی توسیع ایران کا فطری حق ہے اس لئے کہ ان منھ زور طاقتوں کو جب تک ایران کی طاقت کا احساس نہیں ہو گا ایران کی سلامتی کا تحفظ نہیں ہو سکے گا۔