امریکہ کی انصاراللہ سے تعلق کے الزام میں نو کمپنیوں اور تین افراد پر پابندیاں عائد

25 فروری 2022

سچ خبریں:امریکی محکمہ خزانہ نے تین افراد، نو کمپنیوں اور ایک تجارتی جہاز پر پابندیاں عائد کرنےکا اعلان اس بہانے سےکیا کہ یہ انصاراللہ کی مالی مدد کر رہے ہیں۔
امریکی محکمہ خزانہ نے ایک بیان میں کہا کہ انصار اللہ یمن کے ساتھ مالی تعلقات کی وجہ سے تین افراد، نو کمپنیوں اور ایک تجارتی جہاز کے نام ان افراد اور اداروں کی فہرست میں شامل کیے گئے جن کی منظوری دفتر خارجہ کے اثاثہ جات کنٹرول نے دی تھی۔

پابندیوں میں دو غیر یمنی شہری (ایک متحدہ عرب امارات کا شہری اور ایک یونانی شہری) شامل ہیں جبکہ پابندی عائد کی جانے والی کمپنیوں کا تعلق یمن، ترکی اور متحدہ عرب امارات سے ہے اور جو جہاز پابندی کا شکار ہوا ہے وہ سینٹ کٹس اینڈ نیوس کے پرچم تلے تجارت کرتا ہے۔

امریکی محکمہ خزانہ کا دعویٰ ہے کہ ممنوعہ افراد اور ادارے ایک نیٹ ورک کے رکن ہیں اور یمنی انصار اللہ کی مالی معاونت میں اہم کردار ادا کرتے ہیں، اس لیے ان پر پابندیاح عائد کی جارہی ہیں، دوسری طرف جب یمن میں ہزاروں بے گناہ معصوم بچوں کا قتل عام کیا جاتا ہے تو امریکہ کھل کر قاتلوں کی حمایت اور مدد کرتا ہے نیز انھیں اسلحہ بھی فراہم کرتا ہے۔