امریکہ میں ایک بار پھر فائرنگ

?️ 24 مئی 2022

سچ خبریں:امریکی ریاستوں کارولینا اور نیویارک میں ہونے والی فائرنگ کے نتیجہ میں کم سے کم چار افراد ہلاک ہوئے۔
امریکی پولیس کا کہنا ہے کہ اتوار کے روز نیو یارک شہر کی میٹرو میں ہونے والی فائرنگ سے ایک شخص ہلاک ہوگیا، پولیس کا کہنا ہے کہ اسی طرح اتوار کے روز جنوبی ریاست کارولینیا میں فائرنگ سے 3 افراد ہلاک ہوئے، تاہم فائرنگ کی وجہ ابھی تک سامنے نہیں آئی۔

واضح رہے کہ امریکہ میں فائرنگ کی واردات میں سالانہ کئی ہزار افراد لقمہ اجل بن جاتے یا زخمی ہو جاتے ہیں، قابل ذکر ہے کہ اسلحے کی خرید و فروخت اور اُسے کھلے عام لے کر گھومنے کی آزادی کو امریکہ میں فائرنگ کے ہلاکت خیز واقعات میں اضافہ کی اہم وجہ قرار دیا جاتا ہے، یاد رہے کہ امریکہ کے قانون ساز ادارے طاقتور اسلحہ لابی کے اثر و رسوخ کی وجہ سے تاحال، گن کنٹرول قوانین وضع کرنے سے قاصر رہے ہیں۔

امریکہ کی آبادی دنیا کے 5 فیصد کے برابر ہے تاہم اس ملک میں مسلح حملوں کے ذریعے اجتماعی قتل کا ارتکاب کرنے والوں کا تناسب دنیا میں 31 فیصد ہے۔

امریکہ میں اسلحہ لابی اس قدر مضبوط ہے کہ اب تک امریکی کانگریس بھی ہتھیاروں کو محدود کرنے سے متعلق قوانین منظور نہیں کر سکی ہے۔