اسرائیلی حکومت کا ایک اور سکینڈل سامنے آگیا

اسرائیلی اخبار یسرائیل ہیوم کے مطابق، بیتاح تکفا کی صلح عدالت کے جج نے 51 سالہ ایرز میلامید نامی ایک لائف گارڈ کی حراست میں مزید پانچ دن کی توسیع کی ہے۔ اس پر الزام ہے کہ اس نے نابالغ بچوں کے ساتھ جنسی جرائم کیے۔

یہ شخص اگست میں اس وقت گرفتار ہوا جب اس پر شبہ ہوا کہ وہ بطور نجات غریق (لائف گارڈ) اپنی ڈیوٹی کے دوران مغربی کنارے کے جنوبی علاقے میں واقع صہیونی بستی سامرہ کے سوئمنگ پولز میں بچوں کے ساتھ جنسی زیادتی کرتا رہا ہے۔ تاہم اس گرفتاری کی خبر فوری طور پر شائع نہیں کی گئی تھی۔

چند ہفتے قبل متاثرہ بچوں کے والدین نے پولیس میں شکایات درج کرائیں، جن کے مطابق ملزم نے گرمیوں کے دوران کم از کم دو بچوں کو اپنی درندگی کا نشانہ بنایا۔ پولیس کا کہنا ہے کہ سوئمنگ پول میں سی سی ٹی وی کیمرے نصب تھے، تاہم اب تک وہ ویڈیوز عدالت کو فراہم نہیں کی گئیں۔