اسرائیل اپنے وقت کا وحشی ظالم

18 اکتوبر 2023

سچ خبریں:صیہونی حکومت کے انتہا پسند وزیر Itamar Ben Guer نے  سوشل نیٹ ورک پر ایک پیغام میں صیہونی حکومت کے جنگجوؤں کی طرف سے المعمدانی ہسپتال پر بمباری پر خوشی کا اظہار کیا ہے۔

اس نے اس پیغام میں لکھا ہے کہ جب تک حماس یرغمالیوں کو رہا نہیں کر دیتی، غزہ میں داخل ہونے کے لیے صرف ایک چیز کی ضرورت ہے فضائیہ سے سینکڑوں ٹن دھماکہ خیز مواد، انسانی امداد کا ایک گرام بھی نہیں۔

فلسطینی خبر رساں ذرائع نے غزہ کے ایک اسپتال میں اس سانحہ کی اطلاع دی تھی جو صیہونی حکومت کے وحشیانہ حملوں کے بعد پیش آیا تھا۔

فلسطینی اتھارٹی کی وزارت صحت کے ترجمان اشرف القدرہ نے اعلان کیا ہے کہ صہیونی جنگجوؤں کی المعمدانی اسپتال پر بمباری کے دوران 500 سے زائد افراد شہید ہوئے ہیں۔

خبررساں ایجنسی شہاب کے مطابق القدرہ نے زور دے کر کہا کہ یہ کارروائی ایک اجتماعی قتل ہے جو ہسپتال پر اس حملے کے بعد ہوئی۔