اسرائیل ابوظہبی کو آئرن ڈوم فروخت کرنے کے لیے تیار

?️ 5 فروری 2022

سچ خبریں:صیہونی ذرائع نے اطلاع دی ہے کہ متحدہ عرب امارات میں جاری یمنی کارروائیوں کے بعد تل ابیب نے ابوظہبی کو آئرن ڈوم ڈیفنس سسٹم فروخت کرنے پر رضامندی ظاہر کی ہے ۔
صہیونی میڈیا نے خبر دی کہ اسرائیل نے آئرن ڈوم سسٹم متحدہ عرب امارات کو فروخت کرنے پر رضامندی ظاہر کر دی ہے، صیہونی ٹی وی 13 نے اطلاع دی ہے کہ اسرائیلی صدر اسحاق ہرزوگ کے متحدہ عرب امارات کے دورے کے دوران ابوظہبی پر یمن کے حملوں کے ایک سلسلے کے بعد اسرائیل نے فوری طور پر یہ نظام متحدہ عرب امارات کو فروخت کرنے پر رضامندی ظاہر کی۔

واضح رہے کہ اسحاق ہرزوگ، جن کا ابوظہبی کا دورہ متحدہ عرب امارات کے اندر یمنی انصار اللہ تحریک کے تیسرے آپریشن کے موقع پر ہوا، نےکہا کہ وہ متحدہ عرب امارات کے سکیورٹی خدشات کو دور کریں گے،ا ن کے اس تبصرے کے بعد اسرائیلی میڈیا نے کہاکہ اسرائیلی حکام نے متحدہ عرب امارات کو آئرن ڈوم ڈیفنس سسٹم سمیت فوجی ہتھیار فروخت کرنے پر آمادگی ظاہر کی ہے۔

واضح رہے کہ صیہونی حکومت کا یہ فیصلہ ایک ایسے وقت میں سامنے آیا ہے جبکہ یہی آئرن ڈوم سسٹم غزہ میں 12 روزہ جنگ کے دوران فلسطینیوں کے کئی میزائلوں کو ناکارہ بنانے میں ناکام رہا،درایں اثنا Axios نیوز ویب سائٹ نے بدھ کو اطلاع دی کہ صہیونی وزارت جنگ کا ایک وفد یمنی فوج کے حملوں کے بارے میں بات چیت کے لیے حال ہی میں ابوظہبی پہنچا ہے۔