سچ خبریں:بعض عراقی ذرائع نے اطلاع دی ہے کہ اقوام متحدہ کے ایلچی برائے عراق نے اپنے حالیہ دورہ نجف اشرف کے دوران آیت اللہ سیستانی سے ملاقات کی درخواست کی تھی جسے انھوں نے قبول نہیں کیا۔
بعض عراقی ذرائع نے اطلاع دی ہے کہ اقوام متحدہ کے ایلچی برائے عراق نے اپنے حالیہ دورہ نجف اشرف کے دوران عراقی شیعوں کے مرجع تقلید آیت اللہ سیستانی سے ملاقات کی درخواست کی تھی جسے انھوں نے قبول نہیں کیا، رپورٹ کے مطابق ذرائع نے بتایا کہ آیت اللہ سیستانی کے دفتر نے اعلان کیا ہے کہ کل جنین پلاسکارٹ کی جانب سے عراقی شیعوں کے مرجع تقلید آیت اللہ سیستانی کے ساتھ ملاقات کے لیے دی جانے والی درخواست پر اتفاق نہیں کیا گیاہے۔
یاد رہے کہ حال ہی میں پلاسکارٹ نے نجف اشرف میں عراق کے صدر دھڑے کے سربراہ مقتدی الصدر سے ملاقات کی جبکہ حالیہ ہفتوں میں عراقی انتخابات کے نتائج پر پلاسکارٹ کے مداخلت پسندانہ موقف نے بہت سے عراقی گروپوں کی طرف سے احتجاج کو ہوا دی ہے۔
