یمنی مسلح افواج کے ہاتھوں امریکی بحری بیڑا بھاگنے پر مجبور

سچ خبریں:یمن کی انصار اللہ تحریک کے سربراہ سید عبدالملک بدرالدین الحوثی نے کہا ہے کہ یمنی مسلح افواج کے ساتھ شدید جھڑپوں کے بعد امریکی بحری بیڑا پیچھے ہٹنے پر مجبور ہو گیا اور شمالی بحیرہ احمر میں 1300 کلومیٹر دور فرار کر گیا۔  

یہ بھی پڑھیں:امریکی اور برطانوی جنگی طیاروں کا یمن کی فضائی حدود سے فرار

المسیرہ نیوز چینل کی رپورٹ کے مطابق یمن کی انصار اللہ تحریک کے سربراہ سید عبدالملک بدرالدین الحوثی نے اپنے تازہ خطاب میں اعلان کیا کہ یمنی عوام اللہ کے راستے میں جہاد اور اپنی ایمانی شناخت کے دفاع میں ثابت قدم ہیں اور وہ کبھی دشمنوں کے سامنے ہتھیار نہیں ڈالیں گے۔

الحوثی نے کہا کہ صنعا اور یمن کے دیگر صوبوں میں لاکھوں عوام کا غزوہ بدر کی سالگرہ پر باہر نکلنا، ایک عظیم جہادی عمل تھا۔

یہ عوامی مظاہرے اس بات کی تصدیق کرتے ہیں کہ یمنی عوام حق کے راستے پر ثابت قدم ہیں، فلسطینی عوام کے حامی ہیں، اور امریکی و اسرائیلی جارحیت کا مقابلہ کرنے کے لیے پرعزم ہیں۔

یہ ایک واضح پیغام ہے کہ فلسطینی عوام اس جنگ میں تنہا نہیں ہیں، اور یمنی عوام صیہونی حکومت کو امریکی حمایت کے ساتھ اپنی جارحیت جاری رکھنے کی اجازت نہیں دیں گے۔

انصار اللہ کے سربراہ نے کہا کہ یمنی مسلح افواج نے امریکی حملے کو روک دیا اور دشمن کی جارحیت کو ناکام بنایا،جھڑپوں کے بعد، امریکی بحری بیڑا پسپائی اختیار کرنے پر مجبور ہوا اور شمالی بحیرہ احمر میں 1300 کلومیٹر دور چلا گیا،یمنی عوام کی یہ مزاحمت امریکہ کے لیے ایک نئی وارننگ ہے۔

الحوثی نے خبردار کیا کہ اگر امریکہ یمن پر اپنے حملے جاری رکھتا ہے اور صیہونی دشمن کی حمایت کرتا ہے، تو یمنی افواج مزید سخت اور بڑے حملوں کے ساتھ جواب دیں گی،ابھی کے لیے، امریکہ کے خلاف جوابی کارروائی میں اس کے بحری بیڑے، جنگی جہازوں اور جنگی کشتیوں کو نشانہ بنایا جا رہا ہے، لیکن اگر جارحیت نہ رکی تو اس سے بھی زیادہ شدید اقدامات کیے جائیں گے،یمنی افواج کے پاس ایسے آپشنز ہیں جو امریکہ کے لیے ناقابل برداشت اور مزید تکلیف دہ ہوں گے،امریکہ کو یمنی عوام کے آج کے پیغام سے سبق سیکھنا چاہیے، جو ثابت قدمی اور مضبوط مؤقف کی علامت ہے۔

الحوثی نے اسرائیلی حکومت کی جانب سے غزہ میں امدادی سامان کی ترسیل کو روکنے کو وحشیانہ جرم اور ناقابل برداشت جارحیت قرار دیا۔

انہوں نے کہا کہ اسرائیلی جہازوں کی سمندری نقل و حرکت پر پابندی پہلا قدم ہے، لیکن اگر غزہ میں قحط شدت اختیار کرتا ہے، تو یمن کے اقدامات اس سے کہیں زیادہ سخت ہوں گے،یمن کی پالیسی ایمانی، اخلاقی اور دینی اصولوں پر مبنی ہے، اور جو کچھ بس میں ہوگا، وہ کیا جائے گا۔

مزید پڑھیں: یمنی مسلح افواج نے امریکی بحری بیڑے کےساتھ کیا کیا؟

الحوثی نے کہا کہ یمن کسی بھی بڑے اور وسیع آپریشن کے لیے تیار ہے اور اگر ضروری ہوا تو مزید سخت اقدامات کیے جائیں گے۔

انہوں نے یمنی عوام کا شکریہ ادا کرتے ہوئے دعا کی کہ اللہ انہیں عظیم اجر عطا کرے اور ان کی قربانیوں کو قبول فرمائے۔