لبنانی صدر کا الجولانی فورسز کے خلاف سخت کارروائی کا حکم

سچ خبریں:لبنان کے صدر جوزف عون نے ملک کی مشرقی اور شمال مشرقی سرحدوں پر جاری کشیدگی اور دراندازی پر شدید ردعمل کا اظہار کرتے ہوئے اعلان کیا ہے کہ لبنان اس صورت حال کو مزید برداشت نہیں کرے گا۔  

یہ بھی پڑھیں: شام میں دہشت گردوں کی حکومت کو درپیش چیلنجز؛ خانہ جنگی سے لے کر ہمسایہ ممالک کے ساتھ کشیدگی تک

النشرہ نیوز چینل کی رپورٹ کے مطابق، صدر جوزف عون نے کہا کہ جو کچھ ہماری سرحدوں پر ہو رہا ہے، وہ ناقابل قبول ہے اور ہم اس صورت حال کو طول دینے کی اجازت نہیں دیں گے۔

صدر عون نے اعلان کیا کہ انہوں نے لبنانی فوج کو ہدایت دی ہے کہ وہ دشمنانہ حملوں کا بھرپور جواب دے اور کسی بھی دہشت گردانہ دراندازی کو روکا جائے۔

صدر عون نے مزید کہا کہ انہوں نے لبنانی وزیر خارجہ کو ہدایت دی ہے کہ وہ اپنے شامی ہم منصب سے فوری رابطہ کریں تاکہ دونوں ممالک کی حاکمیت اور سلامتی کو یقینی بنایا جا سکے، لبنان چاہتا ہے کہ اس معاملے کو سفارتی ذرائع سے حل کیا جائے، لیکن اگر حملے جاری رہے تو فوجی کارروائی ناگزیر ہو گی۔

مزید پڑھیں: لبنانی فوج پر دہشت گردوں کے حملے کے بارے میں لبنانی وزیر اعظم اور جولانی کے درمیان بات چیت

یہ بیان ایسے وقت میں آیا ہے جب لبنان کی سرحد پر تحریر الشام (جولانی فورسز) کے عناصر کی سرگرمیاں تشویش کا باعث بنی ہوئی ہیں اور لبنانی حکام کسی بھی دہشت گردانہ خطرے کو کچلنے کے لیے تیار ہیں۔