امریکہ نے جنوبی لبنان میں اسرائیلی قبضے کی منظوری دے دی ہے:صیہونی وزیر جنگ کا دعویٰ   

سچ خبریں:اسرائیلی وزیر جنگ یسرائیل کاتس نے دعویٰ کیا ہے کہ امریکہ نے اسرائیل کو جنوبی لبنان میں غیر معینہ مدت تک رہنے کی اجازت دے دی ہے۔  

قدس نیوز چینل کی رپورٹ کے مطابقاسرائیلی وزیر جنگ یسرائیل کاتس نے کہا کہ صیہونی فوجی جنوبی لبنان کے بفر زون میں غیر معینہ مدت تک موجود رہیں گے اور اس حوالے سے امریکہ کی جانب سے مکمل حمایت حاصل ہو چکی ہے۔

یہ بھی پڑھیں:اسرائیل کی جنوبی لبنان سے پسپائی میں تاخیر، مزاحمت کی قوت اور صہیونیوں کی غلط فہمی

کاتس نے شام کے حوالے سے بھی کہا کہ اسرائیلی پالیسی یہ ہے کہ جبل الشیخ اور جنوبی شام کے اسٹریٹجک علاقوں میں اسرائیلی موجودگی برقرار رکھی جائے، جنوبی شام کو مکمل طور پر غیر مسلح زون میں تبدیل کیا جانا چاہیے۔

صیہونی وزیر جنگ نے مزید کہا کہ دو روز قبل شامی حکومت نے جنوبی علاقوں میں اپنی فوج کو از سر نو منظم کرنے کی کوشش کی، جس پر اسرائیلی فضائیہ نے ان فوجی مراکز کو نشانہ بنایا، یہ حملہ اسرائیلی پالیسی کے مطابق کیا گیا تاکہ جنوبی شام میں کسی بھی قسم کی عسکری قوت کو مضبوط ہونے سے روکا جا سکے۔

 مزید پڑھیں:جنوبی لبنان میں اسرائیلی کوششیں کیوں ناکام ہو رہی ہیں؟

یاد رہے کہ امریکہ کی جانب سے اسرائیل کی کھلی حمایت خطے میں کشیدگی کو مزید بڑھا سکتی ہے،لبنان اور شام میں اسرائیلی جارحیت کے تسلسل سے علاقائی طاقتوں کے درمیان تنازع مزید شدت اختیار کر سکتا ہے اور حزب اللہ اور دیگر مزاحمتی گروپوں کا ردعمل اس نئی پالیسی کے خلاف متوقع ہے۔