غزہ شہداء کی اب تک کی تعداد 

سچ خبریں:7 اکتوبر 2023 سے جاری اسرائیلی جارحیت کے نتیجے میں شہداء کی تعداد 48365 اور زخمیوں کی تعداد 111780 ہو چکی ہے۔  

الجزیرہ نیوز چینل کی رپورٹ کے مطابق، غزہ کی وزارت صحت نے اعلان کیا ہے کہ گزشتہ 48 گھنٹوں میں مزید 17 شہداء اور 19 زخمی اسپتالوں میں منتقل کیے گئے ہیں،ان میں بعض افراد نئی اسرائیلی بمباری میں شہید یا زخمی ہوئے جبکہ کچھ لاشیں ملبے کے نیچے سے برآمد ہوئیں۔

یہ بھی پڑھیں: غزہ کی پٹی میں 5 دن میں 70 فلسطینی بچے شہید

 غزہ کی وزارت صحت کا کہنا ہے کہ بہت سے شہداء کی لاشیں تاحال ملبے کے نیچے دبی ہوئی ہیں یا سڑکوں پر بکھری پڑی ہیں، جبکہ امدادی کارکنوں کو شدید رکاوٹوں کا سامنا ہے۔

 فلسطینی ذرائع کے مطابق، اسرائیلی فوج نے رفح کراسنگ کے قریب فائرنگ کر کے ایک فلسطینی شہری کو زخمی کر دیا۔

مزید پڑھیں: غزہ کے 12 ہسپتالوں کا کام بند، شہداء غزہ کی تعداد 5500

 خان یونس کے مشرقی علاقوں پر بھی اسرائیلی توپ خانے سے بمباری کی گئی، جس سے مزید تباہی اور جانی نقصان کا خدشہ بڑھ گیا ہے۔