سچ خبریں:یمنی مسلح افواج کے ترجمان نے مقبوضہ علاقوں پر آج صبح ہونے والے منفرد آپریشن کی تفصیلات جاری کیں۔
المسیرہ نیوز چینل کی رپورٹ کے مطابق، یمنی مسلح افواج کے ترجمان یحییٰ سریع نے اعلان کیا کہ یمنی میزائل یونٹ نے جنوب مشرق یافا میں واقع ناحال سوریک کے فوجی اڈے پر خصوصی عسکری کارروائی کی۔
یہ بھی پڑھیں: یمنیوں کا صیہونیوں کو انتباہ
یحییٰ سریع نے وضاحت کی کہ اس عسکری آپریشن نے اپنے اہداف کو کامیابی سے پورا کیا، آپریشن کے بعد یافا کے اس فوجی اڈے کے گرد آگ بھڑک اٹھی۔
انہوں نے مزید کہا کہ اس آپریشن میں یمنی فورسز نے فلسطین 2 نامی بالسٹک سپر سونک میزائل کا استعمال کیا۔
یحییٰ سریع نے بیان کیا کہ یہ کارروائی فلسطین اور لبنان کے عوام کی حمایت میں اور صیہونی حکومت کے خلاف یمنی مسلح افواج کے آپریشن کے پانچویں مرحلے کے تحت انجام دی گئی۔
مزید پڑھیں: یمنیوں کا صیہونیوں کو پیغام
ترجمان نے مزید کہا کہ یمنی فورسز کی کارروائیاں صیہونی حکومت کی فلسطین اور لبنان پر جارحیت کے خاتمے تک جاری رہیں گی۔
