مجھے ایران مار ڈالے گا؛ٹرمپ کا مزید سکیورٹی کا مطالبہ

?️ 12 اکتوبر 2024

سچ خبریں: ریپبلکن پارٹی کے 2024 کے صدارتی امیدوار ڈونلڈ ٹرمپ نے ایک بار پھر ایران کی جانب سے انہیں لاحق خطرات کا دعویٰ کرتے ہوئے اپنی سکیورٹی میں اضافے کا مطالبہ کیا ہے۔

رشیا ٹودے کی رپورٹ کے مطابق امریکی ریپبلکن پارٹی کے 2024 کے صدارتی امیدوار ڈونلڈ ٹرمپ نے ایران کے خلاف بے بنیاد الزامات عائد کرتے ہوئے سیکورٹی تحفظات میں اضافے کا مطالبہ کیا ہے۔

یہ بھی پڑھیں: ایران کے خلاف نئی امریکی پابندیاں

رپورٹ کے مطابق 2024 کے صدارتی انتخابات میں ریپبلکن پارٹی کے امیدوار اور سابق امریکی صدر ڈونلڈ ٹرمپ نے ایران کی جانب سے مبینہ خطرات کا حوالہ دیتے ہوئے اپنے سکیورٹی تحفظات کو مزید مضبوط بنانے کی درخواست کی ہے۔

واشنگٹن پوسٹ نے اپنی رپورٹ میں لکھا کہ ڈونلڈ ٹرمپ کی صدارتی مہم نے ایران کی جانب سے ایک مبینہ خطرے کو بنیاد بنا کر سکیورٹی بڑھانے کے مطالبات کیے ہیں۔

ٹرمپ نے فوجی طیارے کی فراہمی، ان کی رہائش اور اجتماعات کے اوپر پروازوں پر پابندی، اور ان کی نقل و حمل کے لیے فوجی گاڑیوں کی فراہمی کی درخواست کی ہے۔

مزید پڑھیں: پابندیوں کی ساست کیسے خود امریکہ کے گلے پڑ گئی؟روسی سفیر کی زبانی

یاد رہے کہ سابق امریکی صدر نے اس سے قبل بھی ایران کے پرامن ایٹمی پروگرام کے خلاف بے بنیاد الزامات لگاتے ہوئے دعویٰ کیا کہ ایران کے ایٹمی پروگرام کے خطرات کے بعد حقیقی مسائل شروع ہوں گے۔