غزہ کی پٹی میں صہیونی آبادکاری کا صیہونی منصوبہ

17 دسمبر 2024

سچ خبریں:صہیونی قابضین نےگزشتہ ایک سال سے غزہ کی پٹی میں خون کی ندیاں بہانے کے بعد ایک صہیونی تحریک نے اس علاقے میں آبادکاری کی سرگرمیاں شروع کر دی ہیں۔

الجزیرہ نیوز چینل کے نامہ نگار نے رپورٹ دی ہے کہ آبادکاری کے حوالے سے سرگرم نحالہ نامی صہیونی تحریک نے غزہ کی پٹی میں صہیونی بستیوں کی تعمیر کا آغاز کرنے کے لیے ایک مہم شروع کی ہے۔

یہ بھی پڑھیں: صیہونی غزہ اور لبنان کے خلاف اتنی درندگی کا مظاہرہ کیوں کر رہے ہیں؟

اس حوالے سے اسرائیلی فوجی ریڈیو نے خبر دی ہے کہ مذکورہ تحریک اگلے چند دنوں میں غزہ کی پٹی میں مختلف نوعیت کے کیمپوں (کانکس) کو بھیجنے کا ارادہ رکھتی ہے۔

اس سے قبل بھی بعض صہیونی حکام نے تل آویو کے اس منصوبے کا ذکر کیا تھا جس میں غزہ کی پٹی میں بستیوں کی تعمیر اور تدریجی طور پر اس علاقے کو قبضہ میں لینے کی بات کی گئی تھی۔

یہ سب کچھ ایسے وقت میں ہو رہا ہے جب غزہ کی پٹی میں 2 ملین سے زائد فلسطینی باشندے رہائش پذیر ہیں اور اسرائیلی رژیم گزشتہ ایک سال سے ان پر ہوائی اور زمینی حملے کر رہی ہے۔

مزید پڑھیں: غزہ اور لبنان کے خلاف صیہونیوں کے وحشیانہ جرائم

اس وقت اسرائیلی ٹینکوں نے غزہ کے مغرب میں واقع المواصی علاقے میں فلسطینی پناہ گزینوں کو محاصرے میں لے رکھا ہے۔