سعودی عرب کا صہیونیوں کے خلاف سخت بیان

29 مئی 2024

سچ خبریں: سعودی عرب کی وزارت خارجہ نے اتوار کی شام اسرائیل کے غزہ کے جنوب میں واقع فلسطینی مہاجرین کے کیمپ پر حملے کے جواب میں ایک سخت بیان جاری کرتے ہوئے فلسطینیوں کے قتل عام اور شہریوں پر حملوں کی مذمت کی۔

سعودی عرب کی وزارت خارجہ نے اتوار کی شام رفح شہر میں واقع مہاجر کیمپ پر صہیونی حکومت کے فوجی حملے جس کے نتیجے میں درجنوں غیر فوجی فلسطینیوں کی موت ہوئی، کے بارے میں بیان جاری کرتے ہوئے رد عمل ظاہر کیا۔

المیادین نیوز چینل نے بدھ کی صبح بتایا کہ سعودی عرب کی وزارت خارجہ نے رفح میں مہاجر کیمپ پر حملے کے جواب میں ایک سخت بیان جاری کیا۔

یہ بھی پڑھیں: سعودی عرب کا اسرائیل کو غزہ میں جنگ بندی قبول کرنے پر مجبور کرنے کا مطالبہ

بیان میں کہا گیا ہے کہ سعودی عرب کی حکومت اسرائیلی قابض افواج کی طرف سے جاری قتل عام اور غیر مسلح شہریوں پر حملے کی شدید مذمت کرتی ہے۔

بیان میں مزید کہا گیا کہ ہم اسرائیلی حکام کو رفح اور فلسطین کی دیگر مقبوضہ سرزمینوں کے موجوہ حالات کے لئے ذمہ دار مانتے ہیں۔

بیان میں کہا گیا ہے کہ ہم عالمی برادری پر فلسطینیوں کے قتل عام کو روکنے کی کوشش کرنے کے لئے پہلے سے زیادہ زور دیتے ہیں۔

یاد رہے کہ اتوار کی شام کو صہیونی فوج نے رفح شہر کے شمال مغرب میں واقع فلسطینی مہاجرین کے ٹینٹس پر بمباری کی، اس جارحیت میں اب تک 45 سے زائد فلسطینی شہید اور درجنوں زخمی ہوئے ہیں نیز ملبے کے نیچے دبے ہوئے افراد کی تلاش کا کام جاری ہے۔

ایمنسٹی انٹرنیشنل نے بھی منگل کو ایکس (سابقہ ٹوئٹر) اکاؤنٹ پر بیان جاری کرتے ہوئے کہا کہ اسرائیلی فوج کا رفح میں فلسطینی مہاجر کیمپ پر حملہ جنگی جرم ہے جس کی تحقیقات کی جانی چاہئے۔

بیان میں کہا گیا ہے کہ اسرائیلی فوجیوں کی طرف سے بین الاقوامی قوانین کی پاسداری کئے بغیر غزہ کی پٹی میں واقع رفح میں عام شہریوں پر کیے جانے والے خوفناک فضائی حملے جنگی جرم ہیں جن کی تحقیقات کی جانی چاہئے اس لیے کہ ان حملوں میں عام شہری مارے گئے ہیں۔

مزید پڑھیں: غزہ کے شہید بچوں کے صرف نام پڑھنے میں 18 گھنٹے لگتے ہیں

درایں اثنا کہا جاتا ہے کہ بین الاقوامی عدالت نے حکم دیا کہ صہیونی حکومت کو فوری طور پر فوجی حملے روک دینے چاہئے لیکن کے باوجود قابض حکومت نے رفح میں فلسطینی مہاجرین کے خیموں پر بمباری کی جس کے نتیجے میں کم از کم 45 فلسطینی شہید ہوئے جن میں 23 خواتین اور بچے بھی شامل ہیں جبکہ 249 دیگر زخمی ہوئے۔

عینی شاہدین نے بھی تصدیق کی کہ اسرائیلی فوج کی بمباری سے کیمپ میں لگے فلسطینیوں کے خیمے جل کر راکھ ہو گئے۔