نیویارک ٹائمز کی شیطانیوں پر حماس کا رد عمل

نیویارک ٹائمز کی شیطانیوں پر حماس کا رد عمل

?️

سچ خبریں:فلسطینی مزاحمتی تحریک حماس نے امریکی اخبار نیویارک ٹائمز کی جانب سے موسیٰ ابو مرزوق سے منسوب بیانات کو جھوٹا قرار دیتے ہوئے مزاحمت کے ہتھیاروں کے خاتمے پر کسی بھی قسم کے مذاکرات کو مسترد کر دیا ہے۔  

فلسطینی خبر رساں ادارے سما کی رپورٹ کے مطابق، حماس نے ایک بیان جاری کرتے ہوئے کہا ہے کہ نیویارک ٹائمز میں 24 فروری کو شائع ہونے والے موسیٰ ابو مرزوق کے انٹرویو میں دیے گئے بیانات حقیقت پر مبنی نہیں ہیں۔
حماس نے وضاحت کرتے ہوئے کہا کہ یہ انٹرویو چند روز قبل دیا گیا تھا، مگر اخبار نے مکمل اور اصل جوابات کو توڑ موڑ کر نیز سیاق و سباق سے ہٹ کر پیش کیا۔
بیان میں کہا گیا ہے کہ 7 اکتوبر کا آپریشن (طوفان الاقصی) فلسطینی عوام کے حقِ مزاحمت کا مظہر تھا، جو قبضے اور محاصرے کے خلاف ایک جائز ردعمل تھا۔
موسیٰ ابو مرزوق نے حماس کے مستقل مؤقف کی توثیق کرتے ہوئے واضح کیا کہ فلسطینی عوام کو ہر قسم کی مزاحمت، خاص طور پر مسلح مزاحمت کا حق حاصل ہے۔
انہوں نے کہا کہ مزاحمتی ہتھیار فلسطینی عوام کا حق ہیں اور ان کا واحد مقصد فلسطینیوں اور ان کی اقدار کا دفاع کرنا ہے، جب تک اسرائیلی قبضہ جاری ہے ان ہتھیاروں کو ترک کرنے کا سوال ہی پیدا نہیں ہوتا۔
حماس کے ترجمان حازم قاسم نے بھی نیویارک ٹائمز میں شائع ہونے والے بیانات کو مسترد کرتے ہوئے کہا کہ مزاحمت کے ہتھیار جائز اور ناقابلِ گفت و شنید ہیں، جب تک فلسطینی سرزمین پر قبضہ برقرار ہے، یہ مسئلہ مذاکرات کا حصہ نہیں بنے گا۔
 انہوں نے مزید وضاحت کی کہ نیویارک ٹائمز میں شائع ہونے والا مؤقف حماس کا سرکاری مؤقف نہیں ہے۔
حماس کے ایک اور رہنما اسماعیل رضوان نے کہا کہ مزاحمت کے ہتھیار سرخ لکیر ہیں، اور اسرائیل جنگ بندی معاہدے سے فرار کا راستہ تلاش کر رہا ہے، انہوں نے ثالث ممالک سے اپیل کی کہ وہ قابض قوتوں پر معاہدے پر عمل درآمد کے لیے دباؤ ڈالیں۔
یاد رہے کہ نیویارک ٹائمز نے دعویٰ کیا کہ موسیٰ ابو مرزوق نے کہا تھا کہ حماس کو 7 اکتوبر کے حملے کی پیشگی معلومات نہیں تھیں اور اگر میں جانتا کہ اس کا نتیجہ اتنی تباہی کی صورت میں نکلے گا، تو میں اسے روک دیتا۔
اخبار نے یہ بھی دعویٰ کیا کہ ابو مرزوق نے کہا کہ حماس حملے کی مجموعی حکمتِ عملی سے متفق تھی، مگر اسے تفصیلات کا علم نہیں تھا۔
مزید برآں نیویارک ٹائمز نے دعویٰ کیا کہ ابو مرزوق نے کہا کہ حماس اپنے ہتھیاروں کے مستقبل پر بات چیت کے لیے تیار ہے۔
تاہم، حماس نے ان تمام دعوؤں کو سختی سے مسترد کر دیا ہے اور نیویارک ٹائمز پر جانبدارانہ صحافت کا الزام لگایا ہے۔

مشہور خبریں۔

اسٹیٹ بینک آف پاکستان نے شرح سود 15 فیصد برقرار رکھنے کا فیصلہ کیا ہے۔

?️ 10 اکتوبر 2022کراچی: (سچ خبریں) اسٹیٹ بینک آف پاکستان نے نئی مانیٹری پالیسی کا اعلان

امریکی سیاست خونی جنگوں سے جڑی ہوئی ہے:روسی عہدہ دار

?️ 9 جولائی 2022سچ خبریں:روس کی سلامتی کونسل کے وائس چیئرمین نے اعلان کیا کہ

ایران امریکہ مذاکرات کا پہلا دور کس کے حق میں رہا؟امریکی تھنک ٹینک کا اعتراف 

?️ 16 اپریل 2025 سچ خبریں:امریکی تھنک ٹینک کونسل آن فارن ریلیشنز نیویارک نے اعتراف

عاطف اسلم اور نصرت فتح علی خان کے وی ایف ایکس مکسچر گانے نے دل جیت لیے

?️ 4 مئی 2025کراچی: (سچ خبریں) مقبول گلوکار عاطف اسلم اور مایہ ناز مرحوم گلوکار

کیا طالبان نے افغانستان پر قبضہ کرنا شروع کردیا ہے؟

?️ 24 جون 2021(سچ خبریں) طالبان کی جانب سے حملوں کی دوسری لہر دراصل مذکورہ

تحریک انصاف اور جے یو آئی کا پارلیمنٹ کے اندر اور باہر مشترکہ جدوجہد پر اتفاق

?️ 6 نومبر 2024اسلام آباد: (سچ خبریں) تحریک انصاف اور جے یو آئی کا پارلیمنٹ

امریکی سیاسی نظام کرپٹ ہے؛امریکی سینٹر کا اعتراف

?️ 18 اکتوبر 2021سچ خبریں:امریکی سینیٹ کے ایک سینئر رکن نے اپنے ملک میں صحت

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے