تحریک حریت جموں و کشمیر کے چیئرمین محمد اشرف صحرائی بھارتی جیل میں وفات پاگئے

تحریک حریت جموں و کشمیر کے چیئرمین محمد اشرف صحرائی بھارتی جیل میں وفات پاگئے

🗓️

سرینگر (سچ خبریں) مقبوضہ کشمیر میں کل جماعتی حریت کانفرنس کے سینئر رہنما اور تحریک حریت جموں و کشمیر کے چیئرمین محمد اشرف صحرائی جموں میں بھارتی جیل میں اس دار فانی کو چھوڑ کر چلے گئے۔

تفصیلات کے مطابق محمد اشرف صحرائی کی عمر 77برس تھی اور وہ متعدد عارضوں میں مبتلا تھے، جبکہ ان پر کالا قانون پبلک سیفٹی ایکٹ لاگو کر کے جموں کی ادھمپور جیل میں نظربند رکھا گیا تھا، جیل میں ان کی حالت تشویشناک حد تک بگڑنے کے باوجود انہیں علاج معالجے کی غرض سے ڈاکٹر کے پاس نہیں لے جایا گیا اور انہیں گزشتہ روز اس وقت ہسپتال منتقل کیا گیا جب ان کے زندہ بچنے کے امکانات بالکل ختم ہو چکے تھے، ان کے اہلخانہ کو ان کی گرتی ہوئی صحت کے بارے میں بالکل بھی آگاہ نہیں کیا گیا تھا۔

واضح رہے کہ محمد اشرف صحرائی نے تمام عمر سید علی شاہ گیلانی کے دست راست کے طورپر خدمات انجام دیں، وہ جماعت اسلامی کے رکن تھے، انہوں نے جموں و کشمیر پر بھارت کے غیر قانونی تسلط کے خلاف انتھک جدوجہد کی اور وہ پاکستان کے زبردست حامی تھی، محمد اشرف صحرائی ایک سخت جان آزادی پسند تھے اور انہوں نے جدوجہد آزادی کی راہ میں اپنے بیٹے جنید صحرائی کی جان کا نذرانہ بھی پیش کیا، جنیدصحرائی  نے 19مئی 2020 کو بھارتی فوجیوں کے ساتھ لڑتے ہوئے جام شہادت نوش کیا تھا۔

دریں اثنا کل جماعتی حریت کانفرنس نے ایک بیان میں کل مکمل ہڑتال کی کال دے دی ہے اور آزادی پسند کشمیری عوام سے ہڑتال کو کامیاب بنانے کی اپیل کی ہے۔

تحریک حریت جموں و کشمیر نے کشمیری عوام سے کہاہے کہ وہ اپنی اپنی مساجد میں کل مرحوم کی غائبانہ نماز جنازہ کا اہتمام کریں۔ متعدد حریت تنظیموں نے بھی لوگوں سے مرحوم کی غائبانہ نماز جنازہ کا اہتمام کرنے کی اپیل کی ہے، بھارتی پولیس نے احتجاجی مظاہروں کو روکنے کیلئے اسلام آباد ٹائون سے تحریک حریت کے متعدد رہنمائوں بشمول عاشق حسین نار  اور ریاض احمد میر کو گرفتار کرلیا ہے۔

یاد رہے کہ جیلوں میں کشمیری نظربندوں کو بدترین ظلم و تشدد کا نشانہ بنانے کے علاوہ علاج معالجے، مناسب خوراک اور ماحول کی عدم فراہمی کے ذریعے منظم طور پر قتل کیا جا رہا ہے، کل جماعتی حریت کانفرنس اور مرحوم کے رشتہ دار مسلسل ان کی رہائی کا مطالبہ کر رہے تھے کیونکہ ان کی صحت ہمیشہ سے تشویشناک تھی لیکن بھارتی حکومت نے ان کی صحت کے بارے میں جانتے ہوئے بھی انہیں رہا نہیں کیا جس کی وجہ سے وہ جیل میں ہی اس دنیا سے رخصت ہوگئے/

مشہور خبریں۔

شمالی شام میں ترک توپخانے اور میزائل حملوں کا سلسلہ جاری

🗓️ 22 دسمبر 2021سچ خبریں:  شامی ذرائع نے شامی صوبے حسکہ پر ترک فوجیوں اور اس

ایشیائی ترقیاتی بینک سے پاکستان کیلئے ایک ہی دن میں 53 کروڑ ڈالر کا قرض منظور

🗓️ 11 دسمبر 2024اسلام آباد: (سچ خبریں) ایشیائی ترقیاتی بینک ( اے ڈی بی) نے

ترکی کی جانب سے شامی مسلح اپوزیشن کی حمایت جاری

🗓️ 7 جنوری 2025سچ خبریں: ورلڈ اکانومی اینڈ انٹرنیشنل ریلیشنزنے اعلان کیا ہے کہ آنکارا یکطرفہ

شہباز شریف کی شمسی توانائی سے بجلی پیدا کرنے کے فیصلے پر عملدرآمد کی منظوری

🗓️ 2 ستمبر 2022اسلام آباد: (سچ خبریں) وزیر اعظم شہباز شریف نے شمسی توانائی سے بجلی پیدا کرنے کے

امریکا کا مکروہ چہرہ بے نقاب، امریکی فوج افغانستان میں منشیات کی اسمگلنگ کی سب سے بڑی وجہ ہے

🗓️ 29 مئی 2021کابل (سچ خبریں) افغانستان کے دارالحکومت کابل میں ایک اہم اجلاس ہوا

فلسطینی صدر محمود عباس نے فلسطین میں ہونے والے انتخابات کو ملتوی کرنے کا اعلان کردیا

🗓️ 30 اپریل 2021رام اللہ (سچ خبریں) فلسطینی اتھارٹی کے سربراہ اور فلسطینی صدر محمود

کوپ 27 کانفرنس: ماحولیاتی آفات سے نمٹنے کیلئے فنڈ قائم کرنے پر اتفاق، پاکستان کا خیرمقدم

🗓️ 20 نومبر 2022اسلام آباد:(سچ خبریں) وزیر اعظم شہباز شریف نے کوپ 27 کانفرنس میں

’آپریشن رجیم چینج‘ کے بعد دہشت گردی کے واقعات میں 52 فیصد اضافہ ہوا، فواد چوہدری

🗓️ 2 دسمبر 2022اسلام آباد:(سچ خبریں) پاکستان تحریک انصاف(پی ٹی آئی) کے سینئر نائب صدر

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے