ممبئی (سچ خبریں)بپاشا باسوبالی ووڈ کی معروف اداکارہ ہیں جنہوں فلمی دنیا میں نام کمایا ہے، فلموں میں واپسی کے بارے میں اپنے خیالات مداحوں کو بتادیے ہیں۔بھارتی میڈیا رپورٹس کے مطابق بپاشا باسو حال ہی میں ایک ٹی وی کمرشل میں بالی ووڈ اداکار رنبیر کپور کے ساتھ نظر آئیں۔
بپاشا باسو کا ٹی وی کمرشل دیکھنے کے بعد اُن کے مداح اُن سے فلموں میں واپسی کے بارے میں کئی سوالات پوچھ رہے ہیں۔ایک صارف نے بپاشا باسو اور رنبیر کپور کا ٹی وی کمرشل ٹوئٹر پر شیئر کرتے ہوئے لکھا کہ ’ایک بار پھر بپاشا باسو اور رنبیر کپور کو ایک ساتھ اسکرین پر دیکھ کر بہت اچھا لگا۔
صارف نے لکھا کہ ’ہم آپ کو بڑی اسکرین پر دیکھنا چاہتے ہیں لہٰذا جلد ہی آپ فلموں میں واپس آئیں۔بپاشا باسو نے صارف کے ٹوئٹ کا جواب دیتے ہوئے کہا کہ ’مجھے میرے مداحوں سے یہی شکایت سُننے کو ملتی ہے کہ میں بڑی اسکرین پر واپس کیوں نہیں آرہی ہوں۔
بالی ووڈ اداکارہ نے کہا کہ ’میں ایک بہترین اور درست کردار ملنے کا انتظار کررہی ہوں، مجھے جیسے ہی ایسا کردار ملے گا تو میں ضرور بڑی اسکرین پر واپس آؤں گی۔واضح رہے کہ بپاشا نے متعدد بلاک بسٹر پروجیکٹس میں کام کیا، جن میں دھوم 2 ، بچنا اے حسینو، پھر ہیرا پھیری، راز اور جسم شامل ہیں۔ بپاشا کو آخری بار بڑی اسکرین پر ہارر فلم ’الون‘ میں دیکھا گیا تھا جس میں انہوں نے دوہرا کردار ادا کیا تھا۔
