نائجیریا پولیس کا اربعین حسینی کے سوگواروں پر حملہ ؛8 افراد شہید

🗓️ 30 ستمبر 2021

سچ خبریں:نائجیریا کی پولیس نے منگل کو اس ملک میں اربعین حسینی کے سوگواروں پر حملہ کرکے کم از کم آٹھ افراد کو افراد شہید کر دیا۔
نائجیریا کی اسلامی تحریک (آئی ایم این) نے منگل کی رات اعلان کیا کہ اس ملک کے دارالحکومت ابوجا میں سکیورٹی فورسز نے اربعین حسینی کے سوگواروں پر فائرنگ کی ،اسلامک موومنٹ آف نائیجیریا (آئی ایم این) کے رکن عبداللہ محمد نے کہا کہ اربعین تقریب میں شریک افراد ابوجا کبوا روڈ پر پرامن طور پر آگے بڑھ رہے تھے جب پولیس نے ان پر فائرنگ کی۔

عبداللہ محمد کے مطابق اس فائرنگ کے نتیجہ میں اربعین حسینی کے کم از کم 8 سوگوار شہید اور درجنوں زخمی ہوئے،یادرہے کہ اس ملک میں عاشورہ کے جلوس پر حملہ کرکے میں شرکاء پر پولیس کےہاتھوں کیے جانے والے حملے میں کم از کم دو افراد شہید اور متعدد زخمی ہوئے۔

یادرہے کہ 13 دسمبر 2015 کو نائیجیریا کی فوج اور پولیس نے ریاست زاریا ، کڈونا میں بقیۃ اللہ حسینیہ پر وحشیانہ حملہ کیا ، جس کے نتیجہ میں سینکڑوں افراد شہیدہوئے جن میں اسلامی تحریک نائجیریا کے سربراہ شیخ ابراہیم زکزاکی کے تین بیٹے بھی شامل تھےنیزنائیجیریا کی سکیورٹی فورسز نے اس دن شیخ ابراہیم زکزاکی اور ان کی اہلیہ کو گرفتار کیاجہاں جیل میں انھیں طرح طرح کی ایذائیں دی گئیں ،تاہم حال ہی میں جیل سے رہا کیا گیا ہے۔

قابل ذکر ہے کہ اس میں ملک میں ماتمی جلوسوں اور گروہوں پر نائجیریا کی سکیورٹی فورسز کے حملوں نے حالیہ برسوں میں سیکڑوں افراد کو شہید کیا ہے۔