خام تیل کی قیمتوں میں ایک بار پھر ریکارڈ توڑ اضافہ

?️ 4 مارچ 2022

سچ خبریں:یوکرائن کے خلاف روس کی فوجی کاروائی کے بعد سے تیل کی قیمتوں میں مسلسل اٖضافہ ہورہا ہے جس کے تحت تیل کی قیمت ایک سو دس فی بیرل جا پہنچی۔
یوکرائن میں روس کی فوجی کارروائی کے بعد سے تیل کی قیمتوں میں اضافے کا رجحان بدستور جاری ہے اور بدھ کو کاروبار کے آغاز میں تیل کی قیمت ایک سو دس ڈالر فی بیرل سے تجاوز کرگئی ۔

یادرہے کہ قیمتوں میں یہ اضافہ جہاں ایک جانب یوکرین میں روسی پیشقدمی اور بعض ملکوں کی جانب سے روسی تیل کی فروخت پر عائد کی جانے والی پابندیوں کا نتیجہ ہے تو دوسری جانب ویانا مذاکرات کے طول پکڑنے کے سبب عالمی منڈیوں میں ایرانی تیل کی سپلائی میں ہونے والی تاخیر ہے۔

یادرہے کہ تیل کی قیمت میں یہ ریکارڈ اضافہ ایسے وقت میں سامنے آیا ہے جب تیل پیدا کرنے اور تیل برآمد کرنے والے ملکوں کے مشترکہ گروپ اوپیک پلس کا اجلاس ہونے والا ہے جس میں، تیل کی پیداوار میں کمی کا سلسلہ جاری رکھنے کے طریقہ کار کے بارے میں تبادلہ خیال کیا جائے گا۔