جنگ میں فتح قریب ہے:روس

?️ 1 جنوری 2026

جنگ میں فتح قریب ہے:روس

روس کی قومی سلامتی کونسل کے نائب صدر دیمتری مدودف نے نئے سال کے موقع پر اپنے پیغام میں ملک کے فوجیوں کی تعریف کی جو جبهوں پر سال نو منا رہے ہیں اور ان تمام لوگوں کی بھی ستائش کی جو پچھلی لائنوں میں فداکارانہ کام کر رہے ہیں۔ مدودف نے کہا: "میں پختہ یقین رکھتا ہوں کہ جنگ میں فتح قریب ہے۔

مدودف نے زور دیا کہ سال 2025 روس کے لیے خاص اہمیت کا حامل تھا کیونکہ یہ دوسری عالمی جنگ میں عظیم روسی فتح کی 80 ویں سالگرہ بھی تھی۔ انہوں نے کہا وقت نسلوں کو جدا نہیں کرتا بلکہ انہیں قریب لاتا ہے۔ جو بہادری پچھلی نسل نے وطن کی آزادی کے لیے دکھائی اور جو آج ہمارے فوجی دشمن کے خلاف کر رہے ہیں، دونوں ایک ہی راستے پر ہیں۔

مدودف نے کہا کہ روس کی طاقت اس کے عوام کی روحانی بنیادوں کے ساتھ وفاداری سے جنم لیتی ہے، اور یہی بنیادیں ملک کو مشکلات پر قابو پانے اور اپنی حقانیت پر یقین رکھنے کی قوت فراہم کرتی ہیں۔

اسی دوران، روس کے صدر ولادیمیر پوتین نے بھی سال نو کے پیغام میں "خصوصی فوجی آپریشن” میں حصہ لینے والے فوجیوں اور کمانڈروں کو مبارکباد دی اور کہا ہم آپ پر اور جنگ میں اپنی فتح پر یقین رکھتے ہیں۔

پوتین نے کہا: "فوجی اپنی ذمہ داری سرزمین، حق اور انصاف کے دفاع کی ہیں، اور لاکھوں روسی شہری اس سال نو کی شب آپ کے ساتھ ہیں، آپ کے بارے میں سوچتے ہیں اور آپ سے امید وابستہ رکھتے ہیں۔

صدر پوتین نے اتحاد اور قومی ہم آہنگی کی اہمیت پر بھی زور دیا اور اسے روس کی حفاظت، ترقی اور مستقبل کے لیے کلیدی قرار دیا۔ آخر میں انہوں نے روسیوں کے لیے صحت، خوشحالی، ہم آہنگی اور خوشحالی کی خواہش کا اظہار کیا۔