سرینگر: (سچ خبریں) کل جماعتی حریت کانفرنس نے ممتاز حریت رہنما غلام محمد بھلہ کو ان کی 50ویں یوم شہادت پر شاندار خراج عقیدت پیش کیا ہے۔
کشمیر میڈیا سروس کے مطابق بھارتی پولیس نے غلام محمد بھلہ کو فروری 1975 میں اندرا عبداللہ معاہدے کے خلاف ایک احتجاجی ریلی کی قیادت کرنے پر گرفتار کیا تھا اور 15 فروری 1975 کو سینٹرل جیل سری نگر میں بہیمانہ تشدد کر کے شہید کر دیا تھا۔
کل جماعتی حریت کانفرنس کے رہنماوں اور تنظیموں نے سرینگر میں ایک اجلاس میں شہید رہنما کو زبردست خراج عقیدت پیش کرتے ہوئے کہا کہ وہ کشمیر کی تحریک آزادی کے ایک بہادر اور دلیر رکن تھے جنکے جذبہ آزادی سے بہت سے لوگوں نے تحریک حاصل کی۔
انہوں نے کہا کہ شہید اپنی مختصر زندگی کی آخری سانس تک عزم وہمت کیساتھ حق کے راستے پر ڈٹے رہے لیکن بھارتی طاغوت کے آگے سر نہیں جھکایا۔ اجلاس میں کہا گیا کہ غیر قانونی بھارتی تسلط سے آزادی کی جدوجہد میں کشمیریوں کی بیش بہا قربانیاں ایک روز ضرور رنگ لائیں گی ۔ اجلاس کے شرکاءنے کہا کہ بھارت کشمیریوں کی حق پر مبنی جدوجہد کو طاقت کے بل پر دبانے کی کوشش کر رہا ہے لیکن وہ اپنے مذموم منصوبے میں ہرگز کامیاب نہیں ہوگا۔
اجلاس میں شدید تشویش کا اظہار کیا گیا کہ بھارت جموں وکشمیر میں مسلمانوں کی اکثریت کو اقلیت میں بدلنے کی مذموم کوشش کر رہا ہے جسکا اقوام متحدہ، او آئی سی، یورپی یونین سمیت عالمی برادری کو فوری نوٹس لینا چاہیے۔ اجلاس میں عالمی برادری پر زور دیا کہ وہ نہتے کشمیریوں پر مظالم کے خاتمے ، سیاسی نظربندوں کی رہائی اور تنازعہ کشمیرکے اقوام متحدہ کی قراردادوں کے مطابق حل کیلئے بھارت پر دباﺅ ڈالے۔
مشہور خبریں۔
مشرق وسطیٰ میں اڑنے والی گاڑیوں سے متعلق اہم خبر
نومبر
ہیریس ٹرمپ کی ابتدائی فتح سے نمٹنے کے لیے تیار
نومبر
مریم اپنے چچا کو بچانے کی کوشش کر رہی ہے
جون
ضرورت پڑنے پر عراق میں امریکی فوج غزہ میں تعینات ہونے کے لئے تیار
فروری
لبنان پر حملے کے باوجود نیتن یاہو کی مقبولیت میں کمی
اکتوبر
صبر کی بھی ایک حد ہوتی ہے:انصاراللہ
اگست
امریکہ میں طلباء کی بڑے پیمانے پر گرفتاریوں پر روس کا ردعمل
مئی
اسرائیل نے حماس کے سامنے ہتھیار ڈالے؛ سنوار کا غزہ پر غلبہ
جنوری