بھارت کو کشمیریوں کی پرواہ نہیں وہ بس کشمیر کی سرزمین پر قابض ہونا چاہتا ہے: دیویندر سنگھ بہل

بھارت کو کشمیریوں کی پرواہ نہیں وہ بس کشمیر کی سرزمین پر قابض ہونا چاہتا ہے: دیویندر سنگھ بہل

?️

جموں (سچ خبریں)  مقبوضہ کشمیر میں سوشل پیس فورم کے چیئرمین ایڈووکیٹ دیویندر سنگھ بہل نے بھارتی حکومت کی سازشوں کو بے نقاب کرتے ہوئے کہا ہے کہ بھارت کو کشمیریوں کی پرواہ نہیں وہ بس کشمیر کی سرزمین پر قابض ہونا چاہتا ہے

تفصیلات کے مطابق مقبوضہ کشمیر میں سوشل پیس فورم کے چیئرمین ایڈووکیٹ دیویندر سنگھ بہل نے کہا کہ بھارت مقبوضہ علاقے پر اپنے غیر قانونی قبضے کو برقرار رکھنے کیلئے انتہائی اوچھے ہتھکنڈے استعمال کر رہا ہے۔

انہوں نے کہا کہ بھارت کو کشمیریوں سے کوئی غرض نہیں بلکہ وہ محض کشمیر کی سرزمین سے دلچسپی رکھتا ہے۔

کشمیر میڈیاسروس کے مطابق ایڈووکیٹ دیویندر سنگھ نے سوشل پیس فورم اور سنگھ گردوارہ کمیٹی پنجاب کی طرف سے جموں کے علاقے سندر بنی میں کورونا ریلیف مہم کے موقع پر اپنی گفتگو میں کہا کہ بھارت نے گزشتہ سات دہائیوں سے جموں و کشمیر پر قبضہ جما رکھا ہے اور اس نے ایک سوچھے سمجھے منصوبے کے تحت کشمیریوں کو مشکلات کا شکار کر رکھا ہے۔

انہوں نے کہا کہ پورے بھارت کے ساتھ ساتھ مقبوضہ جموںوکشمیر میں بھی اس وقت بڑے پیمانے پر کورونا پھیلا ہوا ہے لیکن کشمیری اشیائے خوردونوش اور جان بچانے والی ادویات سے محروم ہیں۔

ایڈووکیٹ دیویندر سنگھ نے کہا کہ مودی حکومت نے کشمیریوں کی تحریک آزادی کو دبانے کیلئے مقبوضہ علاقے کو ایک بڑی جیل میں تبدیل کر رکھا ہے اور حریت رہنمائوں اور کارکنوں کو جیلوں میں نظر بند کر کے ان کی زندگیاں دائو پر لگا دی ہیں۔

انہوں نے کہا کہ نظربند کشمیریوں کو جیلوں میں طبی سہولیات سمیت دیگر تمام بنیادی ضروریات سے محروم رکھا گیا ہیں۔
دیویندر سنگھ نے کہا کہ کل جماعتی حریت کانفرنس کے سینئر رہنما محمد اشرف صحرائی بروقت طبی امداد نہ ملنے کی وجہ سے جیل میں شہادت پا گئے جس کی تمام تر ذمہ داری بھارتی انتظامیہ پر عائد ہو تی ہے۔

دیویندر سنگھ نے کہا کہ جب تک مسئلہ کشمیر کو کشمیریوں کی خواہشات اور اقوام متحدہ کی قراردادوں کے مطابق حل نہیں کیا جاتا خطے میں پائیدار امن و ترقی کا خواب شرمندہ تعبیر نہیں ہو سکتا۔

سکھ گردوارہ کمیٹی کے رہنمائوں نے اس موقع پر مظلوم کشمیریوں کے ساتھ اظہار یکجہتی کرتے ہوئے کہا کہ سکھ برادری کشمیریوں کے حق خود ارادیت کی حمایت اس وقت تک جاری رکھے گی جب تک انہیں یہ حق مل نہیں جاتا۔

اس موقع پر ایڈووکیٹ دیویندر سنگھ بہل کے علاوہ ہربنس سنگھ، مندیب سنگھ، جسویندر سنگھ، راجنت کور، چر پریت کور، جسلین کور، کرپال کور، سریندر سنگھ، امن دیپ سنگھ اور دیگر موجود تھے۔

مشہور خبریں۔

صیہونی حکام اپنی فوجی ہلاکتوں کو کیوں چھپاتے ہیں؟

?️ 3 دسمبر 2023سچ خبریں: جہاں ہر روز صیہونی افواج کے خلاف فلسطینی فورسز کی

روس جنگ کی سالگرہ پر فتح کا اعلان کرنے کی تیاری کر رہا ہے:یوکرین  

?️ 22 فروری 2025 سچ خبریں:یوکرین کی انٹیلی جنس سروس نے دعویٰ کیا ہے کہ

امریکہ کی ایران سے مذاکرات کے لیے عجیب شرط!

?️ 17 فروری 2025 سچ خبریں:وائٹ ہاؤس کی قومی سلامتی کے مشیر نے آج ایک

فوجی اڈوں سے ہتھیاروں کی چوری پر صیہونی حکومت کا متنازع اقدام

?️ 22 دسمبر 2022سچ خبریں:صیہونی حکومت کے ٹھکانوں سے ہتھیاروں اور گولہ بارود کی بڑھتی

محمود عباس کے بیانات پر عطوان کا ردعمل: عوام اور مزاحمت فلسطینی ریاست کی تعمیر کریں گے

?️ 25 ستمبر 2025سچ خبریں: رائی الیوم کے ایڈیٹر انچیف نے مزاحمت کے خلاف دو

افراطی صہیونیوں کے مطابق 5 کیٹس مشن

?️ 10 نومبر 2024سچ خبریں: صیہونی حکومت کے کنیسٹ کے ایک انتہائی رکن امیت ہالوی

وزیراعظم کی زیرصدارت وفاقی کابینہ کا اجلاس آج ہوگا

?️ 21 دسمبر 2021اسلام آباد(سچ خبریں) وزیراعظم عمران خان کی زیرصدارت وفاقی کابینہ کا اجلاس

حماس اور اسلامی جہاد کا غزہ میں اجلاس

?️ 22 اگست 2022سچ خبریں:    آج پیر کو حماس اور اسلامی جہاد تحریکوں نے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے