صیہونیوں کا ایرانی سرحدوں کے نزدیک جاسوسی کے اڈے قائم کرنے کا دعوی

?️ 14 مارچ 2022

سچ خبریں:صیہونی انٹیلی جنس ذرائع نے انکشاف کیا ہے کہ اسرائیلی فوج اور سکیورٹی سروسز ایران کے نزدیک انٹیلی جنس اور جاسوسی کے اڈے قائم کر رہی ہیں۔
صیہونی انٹیلی جنس ذرائع نے انکشاف کیا ہے کہ اسرائیلی فوج اور سکیورٹی سروسز بتدریج ایران کی سرحدوں کے نزدیک جاسوسی اور انٹیلی جنس کے اڈے قائم کر رہی ہیں،ان ذرائع کے مطابق جو اسرائیلی ملٹری انٹیلی جنس ذرائع کے قریب ہیں، اس بڑھتے ہوئے نیٹ ورک سے اسرائیل کو تہران کی سرگرمیوں پر مزید کڑی نظر رکھنے اور ایران کے اندر اپنی خفیہ کارروائیاں کرنے کا موقع ملے گا۔

یادرہے کہ Axius نے بھی یہ اطلاع دی ہے کہ اسرائیلی سکیورٹی حکام نے حال ہی میں یمنی حملوں کے خلاف دفاعی اقدامات پر بات چیت کے لیے متحدہ عرب امارات کا سفر کیا تھا،اسی دوران صیہونی صحافی ایلون بن ڈیوڈ نے اعلان کیا ہے کہ صیہونی حکومت متحدہ عرب امارات کو اینٹی میزائل سسٹم اور مختلف ریڈار فروخت کرنے پر غور کرنے کا ارادہ رکھتی ہے۔

بین ڈیوڈ نے اپنے ایک کالم میں لکھاکہ متحدہ عرب امارات میں اسرائیلی ریڈاروں کی تعیناتی علاقائی فضائی دفاعی صف کا سنگ بنیاد ہو سکتی ہے جن کی تنصیبات کےبعد، ان سسٹمز کو اسرائیل پر ایرانی میزائل حملوں کی ابتدائی وارننگ فراہم کرنے اور اسرائیلی فوج کو ایک اہم ابتدائی وارننگ بھیجنے کے لیے ترتیب دیا جا سکتا ہے۔