بھارت کیسے کشمیریوں کی شناخت مٹا رہا ہے؟

?️ 12 اگست 2023

سچ خبریں: علی رضا سید کا کہنا ہے کہ نام نہاد بھارتی یوم آزادی15اگست کو کشمیری یورپی ہیڈ کوارٹرز برسلزمیں بھارتی سفارتخانے کے سامنے ایک بھرپوراحتجاجی مظاہرہ کریں گے ،اس مظاہرے کا اہتمام کشمیرکونسل یورپ نے کیا ہے،مظاہرہ صبح دس بجے شروع ہوگا۔

یہ بھی پڑھیں: کشمیریوں کی قتل گاہ

یادرہے کہ کشمیرکے دونوں حصوں میں موجود کشمیری باشندے اور دنیاکے دوسرے خطوں میں رہنے والے ان کے ہم وطن ہرسال 15اگست بھارت کے یوم آزادی کو احتجاجا یوم سیاہ کے طورپر مناتے ہیں۔

برسلز کے مظاہرے میں کشمیریوں اور پاکستانیوں کے علاوہ کشمیریوں سے ہمدردی رکھنے والی دیگر کمیونٹیز، سماجی تنظیموں کے نمائندوں اور سیاسی و سماجی شخصیات کو بھی مدعو کیا گیا ہے۔

کشمیرکونسل ای یوکے چیئرمین علی رضاسید نے اس موقع پر اپنے ایک بیان میں کہاہے کہ بھارت نے کشمیریوں پر مظالم کی انتہاکردی ہے۔

گذشتہ چند سالوں سے مقبوضہ کشمیرکے عوام کے خلاف بھارتی ریاستی دہشت گردی میں اضافہ ہوا اور اسی وجہ سے مظلوم کشمیریوں کی گونا گون مشکلات کا شکار ہیں،اہم سیاسی رہنما اور انسانی حقوق کے کارکن نظربند اور گرفتار ہیں۔

بھارت کشمیریوں کی وسیع پیمانے پر نسل کشی کررہا ہے اور بھارت مقبوضہ وادی میں آبادی کا تناسب تبدیل کرکے کشمیریوں کی شناخت ختم کرنے کے درپے ہے۔

مزید پڑھیں: انسانی حقوق کے چیمپیئن بننے والے کشمیر کی صورتحال پر خاموش کیوں ہیں، بلاول بھٹو

انھوں نے کہاکہ ہم بھارتی مظالم کے خلاف اور کشمیر کی آزادی کے لیے اپنی پرامن جدوجہد جاری رکھیں گے۔

بھارت کشمیریوں کے خلاف سنگین جرائم میں ملوث ہے اور ہم بھارت کا اصل چہرہ بے نقاب کرناچاہتے ہیں۔انھوں نے کہاکہ ہم اس وقت تک بھارت کے یوم آزادی کو یوم سیاہ مناتے رہیں گے جب تک جموں و کشمیرکو بھارت سے آزادی مل نہیں جاتی۔