ایرانی میزائل نے بئر السبع کے حساس علاقے کو نشانہ بنایا؛صہیونی میڈیا کا اعتراف

سچ خبریں:صہیونی ذرائع ابلاغ نے تصدیق کی ہے کہ ایران کے ایک میزائل نے بئر السبع کے حساس علاقے میں واقع اسرائیلی فوجی اور سائیبر تنصیبات کو نشانہ بنایا، حملے میں 12 افراد زخمی ہوئے اور وسیع پیمانے پر تباہی ہوئی۔

ایران کی مسلح افواج کی جانب سے مقبوضہ فلسطین پر میزائل حملوں کی تازہ لہر کے بعد، صہیونی میڈیا نے اعتراف کیا ہے کہ جمعہ کی صبح ایک ایرانی میزائل جنوبی شہر بئر السبع کے ایک نہایت حساس علاقے میں آ گرا۔

یہ بھی پڑھیں: سائبر حملے کے بعد ہزاروں صیہونیوں کی ذاتی معلومات کا انکشاف

رپورٹ کے مطابق، یہ میزائل پارک گاف یام نیگف میں گرا، جو کہ شہر بئر السبع میں واقع ہے اور بن گوریون یونیورسٹی کے قریب ہے، اس علاقے میں اسرائیلی فوج کے خفیہ ادارے سے منسلک ایک بڑا کمپلیکس بھی واقع ہے، جس میں فضائیہ کی تکنیکی یونٹ اوفک، دیگر یونٹس اور جنوبی کمانڈ ہیڈکوارٹر موجود ہیں۔

المسیرہ  چینل نے اپنی رپورٹ میں بتایا کہ اس حملے میں ٹیکنالوجی، تحقیقاتی اور سائبر سیکیورٹی مرکز کو بھی نقصان پہنچا ہے،مزید برآں، صہیونی چینل 12 نے تصدیق کی کہ اس حملے میں 12 افراد زخمی ہوئے ہیں، اور متعدد عمارتوں کو شدید نقصان پہنچا ہے، رپورٹ میں کہا گیا کہ ایک عمارت مکمل طور پر تباہ ہو گئی، جب کہ ایک دوسری عمارت کو بھی شدید نقصان پہنچا۔

نیز، صہیونی ذرائع کے مطابق، اس میزائل میں 300 کلوگرام سے زائد وزنی دھماکہ خیز کلاهک نصب تھا،صہیونی اخبار ہارٹز نے اپنی رپورٹ میں دعویٰ کیا کہ ایران نے صرف ایک میزائل داغا، لیکن اس کے باوجود تل ابیب اسے روکنے میں ناکام رہا، جو کہ اسرائیلی دفاعی نظام کی ناکامی کا کھلا ثبوت ہے۔

یاد رہے کہ جمعہ کو صہیونی حکومت کی دہشتگردانہ کارروائیوں میں تہران اور دیگر شہروں پر حملے کیے گئے، جن میں ایرانی فوجی کمانڈرز، سائنسدان اور عام شہری شہید ہوئے،ان حملوں کے جواب میں آیت اللہ خامنہ‌ای نے ایک سخت پیغام میں تاکید کی کہایران کی مسلح افواج اس صیہونی حکومت کو بےبس کر دیں گی، ان کی زندگی کو تلخ بنا دیں گی اور ان سے کوئی نرمی نہیں برتی جائے گی،اسی تناظر میں، اسلامی جمہوریہ ایران نے وعدۂ صادق 3 آپریشن کا آغاز کیا، جس کا پہلا مرحلہ جمعہ کی شب درجنوں میزائلوں کے ذریعے مقبوضہ علاقوں پر کیا گیا۔

مزید پڑھیں: صیہونی حکومت کے سربراہ بھی سائبر حملے کا شکار

آپریشن کا دوسرا مرحلہ ہفتہ کے روز مکمل ہوا، جس کے دوران میدانی رپورٹس، سیٹلائٹ تصاویر اور انٹیلیجنس ریکارڈنگز نے تصدیق کی کہ ایرانی میزائلوں نے درجنوں اسٹریٹجک اہداف کو درستگی سے نشانہ بنایا،اس کے بعد، اتوار کو، صہیونی حکومت نے تہران پر دوبارہ حملے کیے، جس کے چند لمحوں بعد ایران نے وعدہ صادق 3 کے تیسرے مرحلے کا آغاز کر دیا اور مزید اہداف کو نشانہ بنایا،سپاہ پاسداران انقلاب اسلامی کی جانب سے جاری بیان میں کہا گیا کہ تیسرے مرحلے میں حملے کی شدت دو گنا اور اہداف کی تعداد تین گنا تھی۔