بانی پی ٹی آئی نے تفتیش میں شامل ہونے سے انکار کیوں کیا؟

?️ 23 جولائی 2024

سچ خبریں: اڈیالہ جیل میں پاکستان تحریک انصاف (پی ٹی آئی) کے بانی نے 9 مئی کے 12 مقدمات میں شامل تفتیش ہونے سے انکار کر دیا، جس کے بعد لاہور پولیس کی تفتیشی ٹیم واپس چلی گئی۔

ذرائع کے مطابق، 12 رکنی تفتیشی ٹیم نے بانی پی ٹی آئی سے 9 مئی کے واقعات کے متعلق 12 مقدمات میں تفتیش کرنی تھی، لیکن انہوں نے تفتیشی ٹیم کے سامنے شامل تفتیش ہونے سے انکار کر دیا اور کہا کہ وہ وکلاء کی موجودگی میں ہی شامل تفتیش ہوں گے۔

یہ بھی پڑھیں: 2014 کے دھرنے کی انکوائری کیلئے تیار ہوں، عمران خان

بانی پی ٹی آئی کو شامل تفتیش ہونے کے لیے متعدد پیغامات بھیجے گئے، مگر وہ وکلاء کی موجودگی میں ہی شامل تفتیش ہونے پر اصرار کرتے رہے۔

لاہور میں درج 12 مقدمات کے تفتیشی افسران کو بانی پی ٹی آئی کا پولی گرافک ٹیسٹ بھی کروانا تھا۔

لاہور پولیس کی تفتیشی ٹیم کی سربراہی ایس پی رانا زاہد کر رہے تھے، اور اس ٹیم میں فارنزک ماہرین بھی شامل تھے۔

مزید پڑھیں: 9 مئی جلاؤ گھیراؤ کیس: عدالت نے عمران خان کو 2 مقدمات میں بری کردیا

بانی پی ٹی آئی لاہور میں درج 9 مئی کے 12 مقدمات میں 10 روزہ جسمانی ریمانڈ پر ہیں، جو انسداد دہشت گردی عدالت لاہور نے منظور کیا تھا۔