جماعت اسلامی کا دھرنا کب تک جاری رہے گا؟

🗓️ 29 جولائی 2024

سچ خبریں: جماعت اسلامی نے حکومت سے مذاکرات کی کامیابی تک راولپنڈی میں مہنگی بجلی اور ٹیکس کے خلاف دھرنا جاری رکھنے کا عزم ظاہر کیا ہے۔

آج جماعت اسلامی اور حکومتی ٹیم کے درمیان مذاکرات کی دوسری بیٹھک ہو گی، جس میں حکومتی مذاکراتی کمیٹی جماعت اسلامی کو تکنیکی کمیٹی کے جائزے سے آگاہ کرے گی۔

یہ بھی پڑھیں: جماعت اسلامی اور پی ٹی آئی کے احتجاج کے خلاف طاقت کا استعمال

گزشتہ روز حکومتی ٹیم سے مذاکرات کے بعد میڈیا سے گفتگو کرتے ہوئے لیاقت بلوچ نے کہا کہ حکومتی ٹیم کے ساتھ بات چیت اچھے ماحول میں ہوئی ہے، مذاکرات جاری رکھنے پر اتفاق ہوا ہے لیکن دھرنا بھی جاری رہے گا۔

حکومتی مذاکراتی ٹیم کے سربراہ وزیر اطلاعات عطا تارڑ نے بتایا کہ جماعت اسلامی کے زیادہ تر مطالبات بجلی سے متعلق ہیں اور حکومت کی کوشش ہے کہ اس مسئلے کو جلد حل کیا جائے۔

انہوں نے مزید کہا کہ عالمی منڈی میں قیمت کم ہونے کی صورت میں پیٹرولیم مصنوعات پر بھی ریلیف ملے گا۔

ادھر مظاہرین سے خطاب کرتے ہوئے امیر جماعت اسلامی حافظ نعیم الرحمان نے کہا کہ ماضی کی طرح مطالبات ٹالنے کی کوشش نہ کی جائے، ہمارا دھرنا تمام مطالبات کی منظوری پر ہی ختم ہو گا۔

مزید پڑھیں: 12 جولائی کے دھرنے کے بارے میں امیر جماعت اسلامی کا بیان

انہوں نے کہا کہ یہ کنٹینر ہمارا راستہ نہیں روک سکتے اور ہم عوام کے لیے ریلیف لے کر ہی جائیں گے۔

واضح رہے کہ مری روڈ لیاقت باغ کے باہر جماعت اسلامی کا دھرنا چوتھے روز میں داخل ہو چکا ہے۔

آج دھرنے میں خواتین کا جلسہ ہوگا جس سے امیر جماعت اسلامی حافظ نعیم الرحمان خطاب کریں گے۔