اسلام آباد میں دفعہ 144 نافذ، ہر قسم کے اجتماع پر پابندی، ریڈ زون بند

?️ 1 مارچ 2026

اسلام آباد (سچ خبریں) وفاقی دارالحکومت اسلام آباد میں دفعہ 144 نافذ،احتجاج اور مظاہرے کی صورت میں سخت قانونی کارروائی ہوگی، ریڈ زون بند کر دیا گیا۔

ضلعی انتظامیہ اسلام آباد کے مطابق وفاقی دارالحکومت اسلام آباد میں دفعہ 144 بدستور نافذ ہے، تمام قسم کے اجتماعات غیرقانونی تصور کئے جائیں گے۔ انتظامیہ نے شہریوں سے گزارش کی ہے کہ کسی بھی اجتماع کا حصہ مت بنیں، احتجاج، مظاہرے یا اجتماع کی صورت میں سخت قانونی کارروائی ہوگی۔

امریکا، اسرائیل کے ایران پر حملے میں سید علی خامنہ ای کی شہادت کے خلاف احتجاج اسلام آباد میں بھی احتجاج جاری ہے، مظاہرین کی بڑی تعداد سرینا چوک پر موجود ہے۔

پولیس نے کینٹیر لگا کر سرینا چوک جانے والے تمام راستے بند کر دیئے، قیدی وینز بھی سرینا چوک پر پہنچا دی گئیں۔