سچ خبریں:ایک ہیکر گروپ نے امریکی قومی اسلحہ ایسوسی ایشن کی ویب سائٹ پر سائبر حملہ کیا ہےاور اس کی کچھ تصاویر شائع کرنے کے بعد دھمکی دی ہے کہ اگر یہ ایسوسی ایشن رقم ادا نہیں کرتی ہے تو اس کی مزید تصاویر منظر عام پر لائی جائیں گی۔
این بی سی نیوز کی رپورٹ کے مطابق ’گریف‘ نامی ہیکر گروپ نے امریکن نیشنل ویپنز ایسوسی ایشن کی ویب سائٹ ہیک کر کے ایسوسی ایشن کی ویب سائٹ کی تصاویر شائع کر دیں اور دھمکی دی کہ کچھ رقم ادا نہ کرنے کی صورت میں اس کی مزید تصاویر اور فائلیں شائع کی جائیں گی۔
واضح رہے کہ امریکن نیشنل ویپنز ایسوسی ایشن کئی سالوں سے امریکہ میں آتشیں اسلحے کی آزادی کی وکالت کر رہی ہے،نیشنل ویپنز ایسوسی ایشن نے اپنی ویب سائٹ پر سائبر حملے کا ذکر کیے بغیر ٹوئٹر پر لکھا کہ وہ ای-سکیورٹی کے مسائل پر کوئی تبصرہ نہیں کرتی اور یہ کہ ایسوسی ایشن اراکین کے بارے میں معلومات کے تحفظ کے لیے غیر معمولی اقدامات کرے گی۔
یادرہے کہ امریکہ نے حالیہ مہینوں میں کئی سائبر حملوں کا سامنا کیا ہے، پہلاحملہ جس میں ہیکرز اپ ڈیٹ سولر ونڈوز سافٹ ویئر کا استعمال کرتے ہوئے کئی سرکاری ایجنسیوں کے کمپیوٹر نیٹ ورکس میں داخل ہوگئے تھے، دوسرا حملہ مائیکروسافٹ میل سرورز کی ایک بڑی تعداد کی ہکنگ تھی۔
قابل ذکر ہے کہ امریکہ ایران سمیت دیگر ممالک پر سائبر حملوں کے بانیوں میں سے ایک رہا ہے لیکن حالیہ برسوں میں انٹرنیٹ پر بہت زیادہ انحصار کی وجہ سےاسے خود ان حملوں کا خطرہ بڑھ گیا ہے، 2011 میں وائٹ ہاؤس نے امریکی قومی حکمت عملی پر ایک دستاویز جاری کی جس میں سائبر حملوں کے جواب میں فوجی طاقت کے استعمال کی اجازت دی گئی۔