کیا آپریشن عزم استحکام میں افغانستان کے اندر بھی حملہ ہو سکتا ہے؟ اپوزیشن اتحاد کا کیا کہنا ہے؟

🗓️ 29 جون 2024

سچ خبریں: پارلیمنٹ ہاؤس میں اپوزیشن اتحاد کا ہنگامی اجلاس منعقد ہوا، جس میں کہا گیا کہ ملک کے اندر کسی بھی قسم کی مداخلت کی اجازت نہیں دی جائے گی۔

اپوزیشن نے مطالبہ کیا کہ ہمارا ملک بھی کسی دوسرے ملک کے اندر مداخلت نہ کرے۔ اپوزیشن اتحاد کے فیصلے کے مطابق افغانستان کے ساتھ ہمارے دیرینہ تعلقات ہیں۔

یہ بھی پڑھیں: آپریشن عزم استحکام کی مخالفت کیوں؟

اپوزیشن رہنما اسد قیصر نے کہا کہ بھارت کے ساتھ تعلقات دشمنی کی بنیاد پر ہیں اور اب ہم افغانستان کے ساتھ بھی یہی رویہ اختیار کر رہے ہیں۔ انہوں نے کہا کہ پاکستان میں ایک نیا کھیل کھیلنے کی کوشش کی جا رہی ہے اور ہم خواجہ آصف کے اس بیان کے خلاف کھڑے ہیں۔

عمر ایوب نے کہا کہ خواجہ آصف نے بیان دیا ہے کہ افغانستان کے اندر حملہ کریں گے، اور مزید کہا کہ ہم مزید جنگ اور خرابی کے متحمل نہیں ہو سکتے۔

مزید پڑھیں: کیا آپریشن عزم استحکام حکومت کے لیے ضروری ہے؟

عمر ایوب نے مزید کہا کہ افغانستان کے اندر حملے کا مطلب پورے خطے کو جنگ میں دھکیلنے کے مترادف ہے۔