اہم خبریں, پاکستان

پی ڈی ایم سےمتعلق مگوئیوں پر بابر افتخار کا دوٹوک موقف

08
فروری

?️ 8 فروری 2021

اسلام آباد (سچ خبریں) سیاست سے تعلق نہ رکھنے والے پاک فوج کے ترجمان بابر افتخار نے کوہ پیما محمد علی سد پارہ کے لئے دعا خیر کرتے ہوئے کہا موسم خراب ہونے کے باوجود ہمارا سرچ آپریشن اپنی پوری آب و تاب کے ساتھ جاری ہے۔ انہوں نے کہا کہ پی ڈی ایم سےمتعلق کچھ چہ مگوئیاں کی جارہی ہیں، پاک فوج کاسیاست سےکوئی تعلق نہیں،بغیرتحقیق کےبات مناسب نہیں، فوج کوسیاست میں نہ گھسیٹاجائے۔

چین کی طرف سے ویکسین کی وصولی کے بعد میڈیا کے نمائندوں سے غیر رسمی گفتگو کرتے ہوئے پاک فوج کے شعبہ تعلقات عامہ (آئی ایس پی آر) کے ڈائریکٹر جنرل بابر افتخار نے کہاکہ کوہ پیمائوں کی تلاش کیلئے سرچ آپریشن میں کوئی کمی نہیں ہوگی،کوہ پیماؤں کی تلاش کیلئےتگ ودوکی جارہی ہے،علی سد پارہ قومی ہیرواوراثاثہ ہیں۔

ان کا کہنا تھا کہ سیاست کیلئے کوئی بیک ڈوررابطےنہیں، فوج سےمتعلق قیاس آرائیوں پریقین نہیں کرناچاہیئے۔انہوں نے کہا کہ کسی سے کوئی بیک ڈرو رابطہ نہیں ہورہا، ہم اپنے کاموں میں مصروف ہیں، سیکیورٹی بڑا فریضہ ہے جو سرانجام دے رہے ہیں۔ ڈی جی آئی ایس پی آر کا کہنا تھاکہ پاکستان نےدنیاکےسامنےایک ڈوزیئررکھا،ڈس انفولیب سےمتعلق متعددانکشافات سامنےآئے، اور بھارت دنیابھرمیں بےنقاب ہوچکا، بھارت نےپاکستان کی ساکھ کونقصان پہنچانےکی کوشش کی۔

Short Link

Copied