کورونا ویکسین لگوانے پر وفاقی وزیر پر تنقید

?️ 30 مارچ 2021

اسلام آباد (سچ خبریں)پاکستان تحریک انصاف کے اتحادی اور مسلم لیگ قائداعظم (ق) کے وفاقی وزیر ہاؤسنگ طارق بشیر چیمہ کے اہلخانہ کو کورونا ویکسین لگوائی تھی جس کی ویڈیو سوشل میڈیا پر وائرل ہو گی ویڈیو کے منظرعام پر آنے کے بعد سوشل میڈیا صارفین نے وفاقی وزیر کو ان اس عمل پر شدید تنقید کا نشانہ بنایا

طارق بشیر چیمہ کے اہلخانہ کے ایک فرد کی جانب سے انسٹاگرام پر شیئر کی گئی ویڈیو میں دیکھا جا سکتا ہے کہ گھر میں موجود متعدد افراد کو طبی عملہ ویکسین کے ٹیکے لگارہا ہے۔

ویڈیو کلپ سوشل میڈیا پر وائرل ہونے کے بعد مذکورہ انسٹاگرام اکاؤنٹ غیر فعال کردیا گیا۔سابقہ ماڈل اور ٹیلی ویژن کی میزبان عفت عمر کو بھی انسٹاگرام پر ویڈیو ٹیگ کی گئی۔

تاہم نجی نیوز چینل پر وفاقی وزیر نے اہلخانہ کو کورونا ویکسین کی خوارک دینے کے لیے اپنے سیاسی اثر و رسوخ کے استعمال سے متعلق الزام کو مسترد کردیا۔انہوں نے دعوی کیا کہ یونیورسٹی آف ہیلتھ سائنسز کی ٹیمیں آزمائشی ویکسین کا بوسٹر شاٹ لگانے کے لیے ان کے گھر آئیں۔

طارق بشیر چیمہ نے مزید کہا کہ اس سے پہلے بھی ایسا ہی ہوا تھا۔ویڈیو کلپس نے سوشل میڈیا پر طوفان برپا کردیا۔

عفت عمر نے نیوز چینل کا کلپ شیئر کرتے ہوئے کہا کہ ‘دوستو! تھوڑا تحمل’۔انٹرنیٹ صارفین اور صحافیوں نے وفاقی وزیر اور عفت عمر پر شدید تنقید کی۔

وزیر اعظم کے معاون خصوصی شہباز گل نے میرٹ کو نظر انداز کرکے ویکسین لگوانے پر عفت عمر کے عمل کو ‘شرمناک حرکت’ قرار دی۔انہوں نے کہا کہ یہ جعلی لنڈے کے لبرل صرف گالی گلوچ کرنے تک لبرل ہیں۔

شہباز گل نے کہا کہ انہیں اخلاقیات ہیں نہ ہی کوئی شرم و حیا۔انہوں نے مزید کہا کہ ان کی باتیں سنو تو لگتا ہے ان سے بڑا کوئی قانون پسند نہیں اور کرتوت ان کے قدر اخلاق سے گرے ہوئے ہیں۔

پروڈیوسر عدیل راجہ نے وزیر منصوبہ بندی و ترقیات اسد عمر سے واقعے کا نوٹس لینے کا مطالبہ کیا۔عدیل راجہ نے سوال اٹھایا کہ ‘یہ امتیازی سلوک کیوں’۔

ٹی وی کی اینکر ماریہ میمن نے کہا پہلے آپ نے اپنے سیاسی اثر و رسوخ کا استعمال کرتے ہوئے ویکسین لگانے والوں کی قطار میں شامل ہوئے اور پھر سوشل میڈیا پر گھمنڈ، پاکستان کی شوبز شخصیات کو اپنا استحقاق کا جائزہ لینا چاہیے۔

صحافی مہر تارڑ نے کہا کہ میں چیمہ سے معافی کی توقع کرتی ہوں اور ان سے معافی مانگنے کا مطالبہ کرتی ہوں۔انہوں نے مزید کہا کہ پہلے انہوں نے اپنے اہل خانہ کے ساتھ مل کر ایک غیر اخلاقی کام کیا اور پھر جھوٹ بولا کہ وہ ٹرائل شاٹ تھے۔