کرک میں پولیس چیک پوسٹ پر دہشت گردوں کا حملہ، 3 اہلکار شہید، 6 زخمی

?️

کرک: (سچ خبریں) خیبر پختونخوا کے ضلع کرک میں پولیس چیک پوسٹ پر رات گئے ہونے والے حملے میں 3 پولیس اہلکار شہید اور 6 زخمی ہو گئے۔

خیبرپختونخوا پولیس سینٹرل آفس کی جانب سے جاری بیان کے مطابق نامعلوم دہشت گردوں نے کرک کے علاقے بہادر خیل میں ایک چیک پوسٹ پر قبضہ کرنے کی کوشش میں ہلکے اور بھاری ہتھیاروں کا استعمال کرتے ہوئے چاروں طرف سے پولیس اہلکاروں کو نشانہ بنایا۔

بیان میں کہا گیا ہے کہ چیک پوسٹ پر موجود پولیس اہلکاروں نے 2 گھنٹے تک دہشت گردوں کا مقاملہ کیا جس کے نتیجے میں بھاگنے پر مجبور ہوگئے۔

ڈسٹرکٹ پولیس آفیسر شہباز الٰہی کے مطابق فائرنگ سے زخمی ہونے والے پولیس اہلکاروں کو کرک ڈسٹرکٹ ہیڈ کوارٹر ہسپتال منتقل کیا گیا ہے جہاں سے 3 زخمیوں کو مزید علاج کے لیے پشاور بھیج دیا گیا۔

شہید پولیس اہلکاروں تیمور حیات، نقیب اور عدنان کی نماز جنازہ آج صبح کرک پولیس لائنز میں ادا کی گئی۔

اس موقع پر انسپکٹر جنرل آف پولیس خیبر پختونخوا ذوالفقار حمید، کوہاٹ ریجنل پولیس آفیسر عباس مجید، کمشنر کوہاٹ موتسم بلاللہ، ڈپٹی کمشنر کرک شکیل جان اور دیگر سول افسران بھی موجود تھے۔

آئی جی ذوالفقار حمید نے سوگوار خاندان سے ملاقات کی اور انہیں یقین دلایا کہ شہدا کا خون رائیگاں نہیں جائے گا، شہید پولیس اہلکاروں کی میتیں ان کے آبائی علاقوں کو بھیج دی گئی ہیں۔

آئی جی ذوالفقار حمید نے آج صبح کرک میں میڈیا سے گفتگو کرتے ہوئے کہا کہ ہمارے جوانوں نے بہادری سے مقابلہ کیا اور دشمن کے حملے کو ناکام بنایا۔

بزدل دہشت گرد اس چیک پوسٹ کا محاصرہ کرنا چاہتے تھے، اس پر قابو پانا چاہتے تھے اور ہمارے اہلکاروں پر قبضہ کرنا چاہتے تھے۔ تاہم دہشت گرد اپنی کوششوں میں ناکام رہے اور فرار ہوگئے۔

آئی جی خیبرپختونخوا نے مزید کہا کہ خیبرپختونخوا پولیس شہید اہلکاروں کے اہل خانہ کی اچھی دیکھ بھال کرے گی اور دہشت گردی کی لعنت کو جڑ سے اکھاڑ پھینکے گی۔

میڈیا کے ایک سوال کا جواب دیتے ہوئے آئی جی حمید نے کہا کہ دہشت گرد جہاں کہیں بھی چھپے ہوں پولیس انہیں تلاش کرے گی اور انصاف کی فراہمی کو یقینی بنائے گی، اس مقصد کے حصول کے لئے تمام وسائل استعمال کیے جائیں گے۔

آئی جی نے کرک ڈی ایچ کیو ہسپتال میں زخمی اہلکاروں کی عیادت کی اور وہاں موجود ڈاکٹروں کو بہترین علاج فراہم کرنے کی ہدایت کی۔

بعد ازاں آئی جی ذوالفقار حمید نے بہادر خیل چیک پوسٹ کا تفصیلی دورہ کیا جہاں انہوں نے حملے کی منصوبہ بندی اور طریقہ کار کا جائزہ لیا، انہوں نے موقع پر موجود سینئر پولیس عہدیداروں کو بھی ہدایات جاری کیں۔

دریں اثنا، وفاقی وزیر داخلہ محسن نقوی نے کرک میں پولیس چیک پوسٹ پر حملے کی مذمت کرتے ہوئے فائرنگ میں شہید ہونے والے پولیس اہلکاروں کو خراج عقیدت پیش کیا، انہوں نے شہید اہلکاروں کے اہل خانہ سے بھی تعزیت کا اظہار کیا۔

وزارت داخلہ کی جانب سے جاری بیان میں ان کا کہنا تھا کہ ہم خیبرپختونخوا پولیس کے شہید افسران کی قربانیوں کو سلام پیش کرتے ہیں، خیبر پختونخوا پولیس دہشت گردی کے خلاف جنگ میں فرنٹ لائن پر ہے۔

مشہور خبریں۔

عراقی پارٹی کے رہنماؤں کے سعودی عرب کے مقاصد

?️ 28 اپریل 2023سچ خبریں:ایک بار پھر محمد الحلبوسی اور شیعہ کوآرڈینیشن فریم ورک کے

مقامی تاجروں، سول سوسائٹی کے ارکان نے مقبوضہ جموں وکشمیر میں ترقی کے بھارتی دعوؤں کو مسترد کردیا

?️ 16 مارچ 2025سرینگر: (سچ خبریں) غیرقانونی طورپر بھارت کے زیر قبضہ جموں وکشمیر میں

افغانستان سے امریکی انخلا کنفیوژن دور کا آغاز ہے: سابق سعودی اہلکار

?️ 3 نومبر 2021سچ خبریں: واشنگٹن میں سعودی عرب کے سابق سفیر ترکی الفیصل نے منگل

صہیونی فوج کی آپسی جھڑپیں؛ 8 اہلکار زخمی

?️ 19 اکتوبر 2021سچ خبریں:مقبوضہ علاقوں کے شمال میں ایک اڈے پر صہیونی فورسز کے

رواں مالی سال پاکستان کی شرح نمو 1.8 فیصد رہنے کا امکان ہے، عالمی بینک

?️ 2 اپریل 2024اسلام آباد: (سچ خبریں) عالمی بینک نے امکان ظاہر کیا ہے کہ

نئی غیرملکی ائیرلائن شام ونگز نے پاکستان کیلئے فضائی آپریشن شروع کردیا

?️ 15 دسمبر 2021لاہور(سچ خبریں) نئی غیرملکی ائیرلائن شام ونگز نے پاکستان کیلئے فضائی آپریشن

شہید نصر اللہ امت اسلامیہ کے اتحاد کا مظہر تھے: ممتاز عرب شخصیت

?️ 22 فروری 2025سچ خبریں: شہید سید حسن نصر اللہ کے جنازے کی تقریب کے موقع

دفعہ 144 کے خلاف پی ٹی آئی کی درخواستوں پر الیکشن کمیشن کا اجلاس طلب

?️ 12 مارچ 2023لاہور:(سچ خبریں) لاہور میں دفعہ 144 کے نفاذ کے خلاف پاکستان تحریک

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے