ڈونلڈ بلوم کی یوسف رضا گیلانی سے ملاقات، پاکستان اور آئی ایم ایف مذاکرات کے حوالے سے پُر امید

🗓️

اسلام آباد: (سچ خبریں) پاکستان میں امریکی سفیر ڈونلڈ بلوم نے کہا کہ وہ پاکستان اور آئی ایم ایف کے درمیان مذاکرات کے حوالے سے پر امید ہیں، انہوں نے کہا کہ اگر آئی ایم ایف مثبت رائے دیتا ہے تو اس سے سرمایہ کاروں کا اعتماد بڑھے گا۔

چیئرمین سینیٹ کے دفتر سے جاری ہونے والے ایک بیان کے مطابق آئی ایم ایف کا ایگزیکٹو بورڈ 29 اپریل کو ہوگا جس میں پاکستان کے لیے 1.1 ارب ڈالر کی فنڈنگ ​​کی منظوری پر تبادلہ خیال کیا جائے گا۔

یہ فنڈنگ گزشتہ موسم گرما میں آئی ایم ایف کے ساتھ پاکستان کے 3 ارب ڈالر کے معاہدے کا دوسرا اور آخری حصہ ہے۔ پاکستان نے یہ معاہدہ مالیاتی بحران کو روکنے کے لیے حاصل کیا تھا جو اس ماہ ختم ہو جائے گا۔

وزیر خزانہ محمد اورنگزیب نے حال ہی میں کہا تھا کہ آئی ایم ایف سے نیا قرضہ حاصل کرنے میں مثبت پیش رفت ہے، انہوں نے مزید کہا کہ آئی ایم ایف ایک بڑے اور طویل مدتی پروگرام پر بات چیت کے لیے راضی ہے، جو کہ ایک مثبت خبر ہے۔

دوسری جانب ڈونلڈ بلوم نے آج پارلیمنٹ ہاؤس میں چیئرمین سینیٹ یوسف رضا گیلانی سے ملاقات کی، انہوں نے امریکا اور پاکستان کے درمیان تعلقات کو بڑھانے اور مشترکہ مفادات پر مل کر کام کرنے پر ایک مثبت بات چیت کی۔

امریکی سفیر نے پاکستان کی نئی اقتصادی ٹیم کو سراہتے ہوئے آئی ایم ایف کے ساتھ موجودہ مذاکرات کے بارے میں امید ظاہر کی، انہوں نے پاکستان کی اقتصادی ٹیم کی کوششوں کو سراہا اور پاکستان اور امریکا کے درمیان اقتصادی تعاون کے امکانات پر زور دیا۔

ڈونلڈ بلوم نے پاکستان کے مثبت معاشی اشاریوں (جیسے مہنگائی میں کمی اور ڈالر کے بلند ذخائر) کو تسلیم کیا اور کہا کہ اگر آئی ایم ایف مثبت رائے دیتا ہے تو اس سے سرمایہ کاروں کا اعتماد بڑھے گا۔

چیئرمین سینیٹ یوسف رضا گیلانی نے دونوں ممالک کے درمیان اہم اقتصادی شراکت داری پر زور دیتے ہوئے کہا کہ امریکا پاکستان کا سب سے بڑا تجارتی شراکت دار ہے، انہوں نے مختلف شعبوں میں پاکستان کے ساتھ تعاون پر امریکی حکومت کا شکریہ ادا کیا۔

انہوں نے دونوں ممالک کے درمیان تجارتی روابط اور تجارتی حجم بڑھانے کی ضرورت پر بھی زور دیا۔

ڈونلڈ بلوم نے پاکستان میں ’گیمنگ انڈسٹری کے بڑھتے ہوئے رجحان‘ پر بھی زور دیا اور ڈیجیٹل سیکٹر میں تعاون بڑھانے پر تبادلہ خیال کیا۔

اسی دوران امریکی سفیر ڈونلڈ بلوم پاکستان کی انسداد دہشت گردی کی کوششوں کا اعتراف کیا اور دہشت گردی کے خلاف جنگ میں امریکی حمایت کی یقین دہانی کروائی۔

چیئرمین سینیٹ نے فلسطین میں قیام امن کے لیے کوششیں تیز کرنے کی فوری ضرورت پر زور دیا اور خطے میں دیرپا امن کی راہ ہموار کرنے کے لیے غزہ میں فوری جنگ بندی پر زور دیا جس پر ڈنلڈ بلوم نے بھی اتفاق کیا۔

مشہور خبریں۔

نامعلوم ڈرون مقبوضہ علاقوں کے شمال میں پرواز کرتے ہوئے

🗓️ 22 جون 2022المنار کے ایک نامہ نگار نے آج بدھ کوصبح اطلاع دی ہے

اسرائیل کا وجود تباہی کے دہانے پر

🗓️ 18 جنوری 2023سچ خبریں:المیادین نیٹ ورک کی ویب سائٹ نے نیتن یاہو کی کابینہ

غزہ شہدا کے تازہ ترین اعداد و شمار

🗓️ 16 مئی 2021سچ خبریں:تازہ ترین اعداد وشمار کے مطابق غزہ پر صیہونیوں کی جاریت

اسلام آباد ہائیکورٹ بار کا پنجاب،خیبرپختونخوا میں انتخابات کی تاریخ کیلئے سپریم کورٹ سے رجوع

🗓️ 9 فروری 2023اسلام آباد: (سچ خبریں) اسلام آباد ہائیکورٹ بار ایسوسی ایشن نے پنجاب

غزہ کے بہادر ڈاکٹر کے خلاف صہیونیوں کا انسانیت سوز اور غیر قانونی اقدام

🗓️ 15 فروری 2025سچ خبریں: قابض حکومت کی جیلوں میں کمال عدوان ہسپتال کے سربراہ

اسرائیل کی طرف سے غزہ میں کمپیوٹر پروگرامرز کا ہدف بنا کر قتل

🗓️ 22 مارچ 2024سچ خبریں:اسرائیلی فوج نے پہلے سے منصوبہ بند طریقے سے غزہ کی

کورونا کی تشویشناک صورتحال، مزید 157 افراد جاں بحق

🗓️ 24 اپریل 2021اسلام آباد( سچ خبریں)ملک بھر میں کورونا کی تشویشناک صورتحال ہے اور

امیر جماعت اسلامی کا شہید اسماعیل ہنیہ کے بیٹوں سے اظہار تعزیت

🗓️ 3 اگست 2024سچ خبریں: امیر جماعت اسلامی حافظ نعیم الرحمان نے دوحہ میں شہید

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے