پنجاب پولیس میں تقرری اور تبادلے پر وزیراعلیٰ اور آئی جی میں اختلافات ختم

?️

لاہور: (سچ خبریں) پنجاب کے وزیراعلیٰ چوہدری پرویز الہیٰ اور انسپیکٹر جنرل آف پولیس فیصل شاہکار کے درمیان پولیس تعیناتیوں اور تبادلوں کے معاملے پر ایک ہفتے سے جاری ڈیڈ لاک مثبت پیش رفت کے ساتھ ختم ہوگیا اور تازہ پیشرفت میں وزیر اعلیٰ پنجاب نے آئی جی آفس کے تجویز کردہ 12 افسران کے انٹرویوز لیے۔

میڈیا رپورٹس  کے مطابق حالیہ پیش رفت میں آئی جی آفس نے ڈسٹرکٹ پولیس آفیسر (ڈی پی او) کے تقرر کے لیے پہلی بار 3 سینئر خاتون پولیس افسران کے نام تجویز کیے، ضلع میں مرد افسران کی اکثریت کی وجہ سے خواتین افسران کو ضلعی پولیس کی سربراہی کا بہت کم موقع دیا جاتا ہے۔

عہدیدار کا کہنا تھا کہ صوبائی حکومت کی جانب سے پنجاب پولیس میں 90 فیصد سیاسی تقرریوں کی وجہ سے آئی جی آفس اور وزیر اعلیٰ سیکریٹریٹ کے تعلقات ایک ہفتے سے تنازعات کا شکار تھے، ان تقرریوں میں مرکزی اسٹیک ہولڈز ہونے کے باوجود سینٹرل پولیس آفس (سی پی او) کو کوئی اہمیت نہیں دی گئی، آئی جی نے پنجاب حکومت کو واضح پیغام دیا کہ پولیس کمیونٹی میں ان کی کمان کمزور ہو چکی ہے اور وہ اپنے محکمے میں تبادلوں اور تعیناتیوں پر کسی بھی طرح کا سمجھوتہ کرنے کے بجائے عہدہ چھوڑنے کو ترجیح دیں گے۔

عہدیدار کا مزید کہنا تھا کہ دونوں فریقین کے درمیان اختلافات اب دور ہوگئے ہیں۔

ان کا مزید کہنا تھا کہ آئی جی پنجاب پولیس فیصل شاہکار اور وزیراعلیٰ پرویز الہیٰ نے 12 پولیس افسران کے انٹرویو لیے تاکہ ان کی آر پی او اور ڈی پی او کے عہدوں پر تعیناتی پر غور کیا جاسکے، آئی جی پولیس نے پولیس افسران کے پینل کی سفارش کی تھی جبکہ آر پی او ڈیرہ اسماعیل خان، لیہ، نارووال اور اوکاڑہ کے ڈی پی او کے لیے ناموں پر تبادلہ خیال کیا گیا۔

فیصل شاہکار نے ہر پینل کےلیے 3 نام تجویز کیے، ڈی جی خان کے آر پی او کے لیے جن پولیس افسران کا انٹرویو کیا گیا ان میں ڈی آئی جی خرم علی شاہ، ناصر ستی اور عمران راشد شامل تھے، جبکہ ڈی پی او کے عہدے کے لیے انٹرویو دینے والوں میں ایس ایس پیز اور ایس پی عمارہ اطہر، محمد فیصل ، شائستہ ندیم، سید حسنین حیدر، ریٹائرڈ کیپٹن واحد محمود، سید کرار حسین، محمد فرقان بلال، شازیہ سرور اور منصور قمر شامل تھے۔

عہدیدار کا کہنا تھا کہ خواتین پولیس افسران کی نامزدگی کے لیے آئی جی پنجاب کی نئی پالیسی کے تحت خواتین پولیس افسران کی نمائندگی کے لیے کُل شفارشات تقریباً 35 فیصد ہیں، ان کا کہنا تھا کہ اضلاع میں خواتین کی نمائندگی میں اضافے پر بات کرنے پر فیصل شاہکار کو کچھ پولیس افسران کی جانب سے مزاحمت کا سامنا کرنا پڑا تھا۔

یاد رہے کہ آئی جی نے پہلی بار 2 خواتین پولیس افسران کو پنجاب پولیس کے اعلیٰ ترین فورم میں پولیس ایگزیکٹو بورڈ کا ممبر بنایا تھا، انہوں نے تمام علاقائی اور ضلعی پولیس افسران کی جگہ پر خاتون پولیس افسران کے تقرر کا حکم بھی جاری کیا تھا۔

نوٹیفکیشن کے مطابق آئی جی پولیس نے خواتین پولیس افسران کو کمیٹیوں، فیلڈ پوسٹنگ اور دیگر فورمز اور کانسٹیبل سے ایس پی کی ترقی دینے کی ہدایت کی تھی۔

ان کا کہنا تھا کہ لاہور کے تھانوں میں 6 لیڈی پولیس اہلکاروں کی بطور انچارج تفتیش پر ترقی بھی خواتین عملے کی حوصلہ افزائی کا تسلسل ہے۔

ان کا کہنا تھا کہ جہاں تک سیاسی تقرریوں کا تعلق ہے تو پولیس چیف نے ڈی پی او لیہ کی تقرری کے لیے ایک پولیس افسر کی ’سیاسی اثروسوخ‘ کی بنیاد پر تقرری کو مسترد کردیا ہے، مذکورہ پولیس افسر نے ڈی پی او کا عہدہ حاصل کرنے کے لیے ضلع لیہ کی تمام سیاسی جماعتوں کی اہم سیاسی شخصیات سے سفارش کرائی لیکن آئی جی نے ان درخواستوں کو مسترد کردیا ۔

مشہور خبریں۔

صہیونی حکومت بچ کر رہے

?️ 3 جولائی 2023سچ خبریں:فلسطینی مزاحمتی گروہوں کے مشترکہ چیمبر نے صیہونی حکومت کی مہم

یوکرین کی جنگ اس موسم گرما میں ختم ہو جائے گی:چین کی پیشین گوئی

?️ 11 مارچ 2023سچ خبریں:ایک جاپانی اخبار نے جمعرات کو ذرائع کا حوالہ دیتے ہوئے

ایس ای سی پی نے کمپنی کے نام کے انتخاب کے لیے ہدایات جاری کردیں

?️ 23 فروری 2025اسلام آباد: (سچ خبریں) ملک میں رجسٹرڈ کمپنیوں کی مجموعی تعداد 2

برائیوں کا مرکز اور ہم جنس پرستوں کا سب سے بڑا حامی کون؟

?️ 20 جون 2023سچ خبریں:یمن کی تحریک انصاراللہ کے سربراہ نے اس بات پر زور

مجوزہ آئینی ترامیم کے خلاف سپریم کورٹ میں ایک اور درخواست دائر

?️ 19 ستمبر 2024اسلام آباد: (سچ خبریں) سپریم کورٹ آف پاکستان میں مجوزہ آئینی ترامیم

لبنان کے خلاف صیہونی حملے پر سعودی اخبار کی خوشی

?️ 28 ستمبر 2024سچ خبریں: سعودی حکومت کا سرکاری اخبار اور ترجمان، جو اسرائیل کے

میاں شہبازشریف کا اسلام آباد پشاورموڑ سے ایئرپورٹ تک میٹروبس چلانے کا اعلان

?️ 12 اپریل 2022اسلام آباد (سچ خبریں) وزیراعظم میاں شہبازشریف نے اسلام آباد پشاورموڑ سے ایئرپورٹ تک میٹروبس

لاہور کے بعد کراچی کی فضا انتہائی مضر صحت قرار، دنیا کے آلودہ ترین شہروں میں پانچواں نمبر

?️ 19 نومبر 2024کراچی: (سچ خبریں) کراچی اور لاہور کی فضا انتہائی مضر صحت رپورٹ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے