پاکستان نے طالبان ترجمان کے بیان کو گمراہ کن، حقائق کے برعکس قرار دیدیا

?️ 16 مارچ 2026

اسلام آباد (سچ خبریں) پاکستان نے طالبان ترجمان کے بیان کو گمراہ کن قرار دے دیا۔

وزارت اطلاعات و نشریات کے مطابق پاکستان نے کابل اور ننگرہار میں دہشتگردوں کے ٹھکانوں کو نشانہ بنایا، کارروائی میں افغان طالبان اور فتنہ الخوارج کے اسلحہ و تکنیکی سامان کے ذخائر کو ٹارگٹ کیا گیا، حملہ نہایت درستگی کے ساتھ کیا گیا تاکہ کسی شہری کو نقصان نہ پہنچے۔

وزارت اطلاعات نے مزید بتایا کہ کارروائی میں افغان طالبان اور کالعدم تحریک طالبان پاکستان کے ایسے ٹھکانوں کو نشانہ بنایا گیا جہاں عسکری سازوسامان اور گولہ بارود ذخیرہ کیا گیا تھا اور جنہیں پاکستان میں دہشت گردی کے لئے استعمال کیا جا رہا تھا۔

بیان میں اس دعوے کو بھی مسترد کیا گیا ہے کہ نشانہ بننے والی جگہ منشیات کے عادی افراد کی بحالی کا مرکز تھی، حکومت کے مطابق یہ دعویٰ حقائق کو مسخ کرنے اور سرحد پار دہشت گردی کی حمایت کو چھپانے کی کوشش ہے۔