پاکستان میں CPEC کے لیے سخت حفاظتی اقدامات

?️ 8 نومبر 2022

چین اور پاکستان نے اتفاق کیا ہے کہ سی پیک منصوبے کی تکمیل کے لیے پاکستان میں موجود چینی کارکنوں کو دہشت گردی کے حملوں سے بچانے کے لیے ان کارکنوں کی تمام نقل و حمل بلٹ پروف گاڑیوں میں کی جائے گی۔

چین پاکستان اقتصادی راہداری کی 11ویں مشترکہ تعاون کمیٹی کے منٹس کے مطابق جسے(CPEC)کے نام سے جانا جاتا ہے، دونوں اطراف کے حکام نے سخت حفاظتی اقدامات کے تحت اس منصوبے کے پاکستان کے حصے کو مکمل کرنے پر اتفاق کیا۔

ایکسپریس ٹریبیون کے مطابق اس مسودے میں کہا گیا ہے کہ اس منصوبے میں کام کرنے والے چینی کارکنوں کی تمام نقل و حمل بلٹ پروف گاڑیوں میں کی جائے گی، دونوں فریقوں نے قانون نافذ کرنے والے اداروں اور انسپکٹرز کی صلاحیتوں کو مضبوط کرنے پر بھی اتفاق کیا، اس رپورٹ کے مطابق تحت CPEC منصوبے کے لیے سخت حفاظتی اقدامات چینی حکومت کے خدشات کو دور کرنے کی ایک کوشش ہے، کیونکہ بیجنگ اس وقت تک آگے نہیں بڑھتا جب تک اسے اپنے شہریوں کے تحفظ کی مکمل ضمانت نہیں مل جاتی اور توانائی کے معاہدوں کے حوالے سے پاکستان اپنے وعدوں کو پورا نہیں کرتا۔

واضح رہے کہ عوامی توقعات کے برعکس پاکستان اور چین نے اس ہفتے کے شروع میں پاکستان کے وزیر اعظم شہباز شریف کے بیجنگ کے دو روزہ دورے کے دوران 11ویں CPEC مشترکہ تعاون کمیٹی کے اجلاس کے دوران سی پیک منصوبے پر دستخط نہیں کیے تھے۔ جبکہ پاکستان کے وزیر خارجہ بلاول بھٹو زرداری نے کہا کہ اس مسودے پر دستخط نہ کرنے کی وجہ ملاقات کا مختصر وقت اور متعدد ملاقاتیں تھیں، ورنہ کچھ اور اہم بات چیت کا موقع ہاتھ سے چلا جاتا۔

انہوں نے مزید کہا کہ جلد ہی یا تو ایک وفد چین جائے گا جو اس مسودے پر دستخط کرے گا یا آنلائن دستخط کر دیے جائیں گے۔