وزیراعظم کی بیلاروس کے وزیر خارجہ سے ملاقات، دونوں ممالک کے مابین تعلقات کے فروغ کے عزم کا اعادہ

?️

اسلام آباد:(سچ خبریں) وزیر اعظم شہباز شریف نے کہا ہے کہ پاکستان، بیلاروس کے ساتھ اپنے خوشگوار اور وسیع البنیاد تعلقات کو بہت اہمیت دیتا ہے اور بیلاروس کے ساتھ معیشت، زراعت، سائنس و ٹیکنالوجی، انفارمیشن ٹیکنالوجی، تعلیم اور ثقافت سمیت تمام شعبوں میں باہمی تعاون کے فروغ کے عزم کا اعادہ کرتا ہے۔

وزیر اعظم کے میڈیا ونگ کی جانب سے جاری کردہ ایک بیان میں کہا گیا کہ وزیر اعظم نے یہ باتیں بیلاروس کے وزیر خارجہ سرگئی ایلینک سے ملاقات کے دوران کہیں۔

جواب میں سرگئی ایلینک نے وزیر اعظم شہباز شریف کے لیے بیلاروس کے صدر لوکاشنکو کی جانب سے نیک تمناؤں کا اظہار کرتے ہوئے کہا کہ بیلاروس، پاکستان کو ایک اہم ملک سمجھتا ہے اور خطے میں امن و استحکام کے فروغ کے لیے اس کی کوششوں کو سراہتا ہے۔

وزیراعظم نے بیلاروس کے وزیر خارجہ کو مقبوضہ کشمیر میں بھارت کی جانب سے انسانی حقوق کی خلاف ورزیوں سے بھی آگاہ کیا۔

پاکستان اور بیلاروس کی 2024 میں سفارتی تعلقات کے قیام کی 30 ویں سالگرہ کے تناظر میں وزیر اعظم نے مسلسل اعلیٰ سطح کے وفود کے تبادلوں اور مشغولیت کا خیرمقدم کیا، علاوہ ازیں وزیراعظم نے بیلاروس کے صدر کو جلد از جلد پاکستان کا دورہ کرنے کی دعوت کا اعادہ کیا۔

وزیر خارجہ بلاول بھٹو زرداری آج اردن اور عراق کے دورے پر روانہ ہوں گے، پہلے مرحلے میں وہ شاہ عبداللہ دوم کے بڑے بیٹے ولی عہد حسین بن عبداللہ کی شادی کی تقریب میں شرکت کے لیے اردن جائیں گے، جو ظہران پیلس میں اپنی سعودی منگیتر راجوا السیف سے شادی کر رہے ہیں۔

علاقائی بادشاہتوں کے سربراہان کے علاوہ امریکی خاتون اول جل بائیڈن اور ہالینڈ کے بادشاہ بھی مہمانوں میں شامل ہیں۔

اردن کے بعد وزیر خارجہ بلاول بھٹو 5 سے 7 جون تک عراق کا دورہ کریں گے، وزیر خارجہ عراق کے نائب وزیر اعظم اور وزیر خارجہ ڈاکٹر فواد حسین کی دعوت پر عراق کا دورہ کر رہے ہیں۔

دورے کے دوران وزیر خارجہ عراقی قیادت سے ملاقاتیں کریں گے اور اپنے ہم منصب سے تفصیلی ملاقات کریں گے، علاوہ ازیں بھٹو زرداری کے دورہ عراق کے دوران اہم معاہدوں پر بھی دستخط ہوں گے۔

مشہور خبریں۔

وعدہ صادق آپریشن کے بارے میں پاکستانی ماہرین کا نقطہ نظر

?️ 16 اپریل 2024سچ خبریں: عسکری، دفاعی اور بین الاقوامی تعلقات کے شعبوں کے پاکستانی

مقبوضہ کشمیر میں کورونا وائرس کے پیش نظر سخت کرفیو نافذ کردیا گیا

?️ 9 مئی 2021سرینگر (سچ خبریں)  مقبوضہ کشمیر کے تمام 20 اضلاع میں، کورونا وائرس کو

ہوا میں پولن کی شرح میں خطرناک حد تک اضافہ ہو گیا

?️ 4 مارچ 2021اسلام آباد {سچ خبریں} پولن الرجی سنٹر نے وارننگ جاری کی ہے

امریکہ زوال کی طرف بڑھ رہا ہے:ٹرمپ کا کرسمس پیغام

?️ 28 دسمبر 2022سچ خبریں:امریکہ کے سابق صدر ڈونلڈ ٹرمپ نے کرسمس کے کے موقع

مہنگی بجلی کی پیداوار پر انحصار مزید بڑھ گیا، ڈیزل سے فی یونٹ لاگت 45.61 روپے

?️ 20 فروری 2024اسلام آباد: (سچ خبریں) نئے سال کے پہلے ہی ماہ مہنگی بجلی

ایم کیو ایم لسانی نہیں قومی فکر رکھتی ہے، خالد مقبول صدیقی

?️ 31 دسمبر 2023کراچی: (سچ خبریں) سربراہ ایم کیو ایم پاکستان ڈاکٹر خالد مقبول صدیقی

کرم میں جھڑپوں میں مزید 7 افراد جاں بحق، اموات کی تعداد 97 ہوگئی

?️ 30 نومبر 2024 کرم ایجنسی: (سچ خبریں) کرم ایجنسی میں فریقین کے درمیان جنگ

بائیڈن نے یوکرین کو امریکی انٹیلی جنس امداد روکنے کا مطالبہ کیا

?️ 7 مئی 2022امریکی حکومت کے دو عہدیداروں کے مطابق صدر جو بائیڈن نے جمعہ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے