?️
اسلام آباد(سچ خبریں)وفاقی وزیر برائے مذہبی نور الحق قادری نے سانحہ یتیم خانہ چوک کی شدید الفاظ میں مذمت کرتے ہوئے کہا کہ اس سانحہ سے جتنا افسوس اپوزیشن اراکین قومی اسمبلی کو ہے اتناہی درد حکومتی بینچ پر موجود اراکین کو بھی ہے انہوں نے کہا کہ گذشتہ 4 مہینوں سے کالعدم تحریک لبیک پاکستان کے ساتھ مذاکرات کر رہے تھے لیکن کوئی فائدہ نہیں ہوا۔
انہوں نے کہا کہ کوئی بھی جمہوری حکومت سانحہ یتیم خانہ چوک کی متحمل نہیں ہوسکتی۔وفاقی وزیر مذہبی امور نے بتایا کہ حکومت نے گزشتہ 4 ماہ کے دوران اس معاملے کو مذاکرات اور منت سماجت کے ذریعے حل کرنے کی بھرپور کوشش کی تاکہ کوئی ناشگوار واقعہ پیش نہ آئے۔
ان کا کہنا تھا کہ ہم نے معاملے کو بہتری کے ساتھ سلجھانے کے لیے بالواسطہ یا بلاواسطہ کوششیں کیں۔انہوں نے بتایا کہ ‘ہم نے مذاکرات کا راستہ کھولا رکھا تھا وہ یہ تھا کہ معاملہ اور معاہدے کی رو سے اس معاملے کو پارلیمنٹ میں لانے کے پابند ہیں۔
نور الحق قادری نے کہا کہ آپ آجائیں اور اسپیکر قومی اسمبلی پارلیمانی کمیٹی نامزد کرے جس میں تمام سیاسی جماعتوں کی نمائندگی ہوگی’۔
ان کا کہنا تھا کہ کمیٹی کے سامنے وہ اپنا مؤقف پیش کرے اور وزارت خارجہ اور خارجی امور کے ماہرین اپنی رائے بھی دے دیں گے۔
وفاقی وزیر نے کہا کہ ہم علمائے کا اخترام کرتے ہیں لیکن خارجہ پالیسی کا تعین حکومت وقت اور پارلیمنٹ کا کام ہے انہوں نے کہا کہ ‘ہم نے انہیں کمیٹی کو قائل کرنے اور ڈرافٹ پیش کرنے کا کہا تھا’۔
نور الحق قادری نے کہا کہ ‘کمیٹی جو فیصلہ کرے گی حکومت کو من و عن قبول ہوگا’۔وفاقی وزیر نے بتایا کہ ہمارے ان کے ساتھ معاملات یہاں تک پہنچے تھے کہ اس دوران ایک ویڈیو کے ذریعے 20 اپریل کی کال دے دی گئی۔
انہوں نے کہا کہ ‘اس لیے حکومت کی ذمہ داری تھی کہ شاہراؤں کو کھلا رکھا جائے اور معمولات زندگی متاثر نہ ہو’۔ان کا کہنا تھا کہ ہماری پالیسی مذاکرات پر مبنی ہے، مفاہمت کے دو دور ہوچکے ہیں جبکہ آج تیسرا دور نماز تروایح کے بعد ہوگا۔
نور الحق قادری نے امید ظاہر کی کہ کوشش کریں گے کہ پارلیمنٹ اور عوام کی خواہش کے مطابق مذاکرات کے ذریعے حل کیا جائے۔
انہوں نے کہا کہ پاکستان کی تاریخ میں ناموس رسالت ﷽ کو جتنا تحفظ وزیر اعظم عمران خان نے فراہم کیا اس کی ماضی میں مثال نہیں ملتی۔ان کا کہنا تھا کہ اللہ نے یہ سعادت عمران خان کے حصے میں لکھی ہے۔
گزشتہ روز لاہور کے یتیم خانہ چوک پر پولیس اور کالعدم ٹی ایل پی کے کارکنوں کے مابین پر تشدد چھڑپ میں 3 افراد جاں بحق اور جبکہ پولیس اہلکاروں سمیت دیگر متعدد افراد زخمی ہوگئے تھے۔
پولیس کی جانب سے چوک اور اس کے اطراف کو ٹی ایل پی کے مظاہرین سے خالی کرانے کے لیے آپریشن کیا گیا تھا تاہم اس دوران ٹی ایل پی کے کارکنوں نے ڈپٹی سپرنٹنڈنٹ پولیس (ڈی ایس پی) کو ‘بے دردی سے تشدد کا نشانہ بنایا’ اور ساتھ ہی 4 دیگر عہدیداروں کو بھی یرغمال بنا لیا تھا۔
خیال رہے کہ مذکورہ علاقے میں ٹی ایل پی کا احتجاج 12 پریل سے جاری تھا۔دوسری جانب ایک ویڈیو پیغام میں کالعدم جماعت کے ترجمان شفیق امینی نے الزام لگایا تھا کہ ‘آج صبح 8 بجے لاہور مرکز پر فورسز نے اچانک ہم پر حملہ کیا جس میں ہمارے کارکنوں کی ایک بڑی تعداد جاں بحق ہوگئی ہے جبکہ متعدد زخمی ہیں’۔
انہوں نے مزید کہا تھا کہ فرانسیسی سفیر کو ملک سے بے دخل کرنے اور حکومت کے ساتھ طے پانے والے معاہدے کے نفاذ تک جاں بحق ہونے والوں کی تدفین نہیں کریں گے۔
مشہور خبریں۔
اسرائیل شام کی افراتفری سے پریشان
?️ 16 مارچ 2025سچ خبریں: Ynet نیوز سائٹ نے ایک مضمون میں کہا ہے کہ بشار
مارچ
پی ٹی آئی کا حکومت کو انبتاہ
?️ 6 جولائی 2024سچ خبریں: پاکستان تحریک انصاف نے سابق وزیراعظم اور بانی چیئرمین عمران
جولائی
چین روس فوجی مشقوں کے مقاصد
?️ 12 جولائی 2024سچ خبریں: چین کی وزارت دفاع نے اعلان کیا کہ چین اور روس
جولائی
خاموشی کافی ہے، امریکی سفیر کو باہر نکالا جائے: مقتدیٰ صدر
?️ 29 مئی 2024سچ خبریں: عراق کی صدر تحریک کے سربراہ مقتدی صدر نے امریکی سفارت
مئی
پی ڈی ایم اختلاف کی دراڑ پڑ گئی،لانگ مارچ ملتوی کرنے کا اعلان: مولانا فضل الرحمٰن
?️ 17 مارچ 2021اسلام آباد(سچ خبریں) پاکستان ڈیموکریٹک موومنٹ (پی ڈی ایم) کے صدر مولانا
مارچ
شاہ رخ خان میں اسٹار بننے کی ہر صلاحیت تھی: ہیما مالینی
?️ 28 مارچ 2021ممبئی (سچ خبریں)بالی ووڈ فلم انڈسٹری کی ڈریم گرل ہیما مالینی نے
مارچ
تہران اور دیگر مماک کے چھ شہروں میں اسلامی ریڈیو اور ٹیلی ویژن یونین کا اجلاس
?️ 29 جون 2021سچ خبریں:اسلامی ریڈیو اور ٹیلی ویژن یونین کی جنرل اسمبلی کے دسویں
جون
حقانی کی مصر، سوڈان اور فلسطین کے علماء کے ساتھ گفتگو
?️ 7 جنوری 2023سچ خبریں: طالبان کی عبوری حکومت کی وزارت داخلہ نے
جنوری