?️
اسلام آباد:(سچ خبریں) پاکستان تحریک انصاف کو اس کے مخالفین نے انٹرا پارٹی انتخابات پر شدید تنقید کا نشانہ بنایا ہے جب کہ پی ٹی آئی کے منحرف اور بانی اراکین میں شامل اکبر ایس بابر نے اعلان کیا ہے کہ وہ اس پورے عمل کو قانونی فورم پر چیلنج کریں گے۔
مسلم لیگ (ن) اور پیپلز پارٹی سمیت ملک کی اہم سیاسی جماعتوں کے رہنماؤں نے بھی الیکشن کمیشن آف پاکستان کی ہدایت پر پی ٹی آئی کی جانب سے کرائے گئے انٹرا پارٹی انتخابات کی حیثیت پر سوالیہ نشان لگادیے۔
نیشنل پریس کلب اسلام آباد میں نیوز کانفرنس کرتے ہوئے اکبر ایس بابر نے کہا کہ پی ٹی آئی نے انٹرا پارٹی انتخابات کے بجائے درحقیقت سلیکشن کی جس کا مقصد پی ٹی آئی کارکنوں کو باہر پھینک کر پارٹی کی باگ ڈور چند وکلا کے ہاتھوں میں دینا تھا۔
اکبر ایس بابر نے الیکشن کمیشن سے تمام سیاسی جماعتوں اور ان کی فنڈنگ کی جانچ پڑتال کرنے کا مطالبہ کرتے ہوئے کہا پی ٹی آئی کے انٹرا پارٹی الیکشن نہ صرف آئین پاکستان کی خلاف ورزی ہے بلکہ پارٹی کے اپنے آئین کی بھی خلاف ورزی ہے۔
پی ٹی آئی سے الگ ہونے والے دھڑے کے سربراہ پرویز خٹک نے بھی پی ٹی آئی کے انٹرا پارٹی انتخابات کو ’جعلی مشق‘ قرار دیا، حال ہی میں پی ٹی آئی-پارلیمینٹیرینز کے نام سے اپنی پارٹی بنانے والے پرویز خٹک نے کہا کہ الیکشن کمیشن نے پی ٹی آئی میں انٹرا پارٹی انتخابات کے انعقاد کا درست حکم دیا ہے۔
پشاور میں صحافیوں سے بات چیت کرتے ہوئے پرویز خٹک نے الزام لگایا کہ گزشتہ 12 برسوں کے دوران ہونے والے پی ٹی آئی کے تمام انٹرا پارٹی انتخابات جعلی تھے۔
اس موقع پر انہوں نے اعتراف کیا کہ ماضی میں ان کی موجودگی کے دوران الیکشن کمیشن کو ’جعلی ریکارڈز‘ پیش کیے گئے، انہوں نے کہا کہ بیرسٹر گوہر خان کو دو سال قبل ہی پارٹی میں متعارف کرایا گیا تھا، انہوں نے دعویٰ کیا کہ پی ٹی آئی کے نئے چیئرمین کے پاس پارٹی ممبر شپ کارڈ تک نہیں ہے۔
پی ٹی آئی کی جانب سے انٹرا پارٹی انتخابات کے نتائج کے اعلان کے فوری بعد مسلم لیگ (ن) کی سیکریٹری اطلاعات مریم اورنگزیب نے بھی راولپنڈی میں پریس کانفرنس کی۔
مسلم لیگ (ن) کے مقامی رہنماؤں کے ہمراہ مریم اورنگزیب نے کہا کہ انٹرا پارٹی الیکشن کا پورا عمل فریم شدہ مشق تھی، یہاں تک کہ انتخابات کی بنیادی رسمی کارروائی تک بھی پوری نہیں گئیں، انہوں نے پی ٹی آئی انٹرا پارٹی انتخابات کو ’کٹھ پتلی تماشہ‘ قرار دیا۔
انہوں نے کہا کہ گزشتہ ماہ مسلم لیگ (ن) کے انٹرا پارٹی الیکشن کی شفافیت کو یقینی بنانے کے لیے الیکٹرانک میڈیا پر براہ راست نشر کیا گیا۔
پیپلز پارٹی کے رہنما اور قومی اسمبلی کے سابق ڈپٹی اسپیکر فیصل کریم کنڈی نے کہا کہ “پی ٹی آئی انٹرا پارٹی انتخابات میں دھاندلی صاف نظر آ رہی تھی، انہوں نے الیکشن کمیشن سے اس دھاندلی کا نوٹس لینے کا مطالبہ کیا۔
انہوں نے سوال اٹھایا کہ کیا کوئی مفرور شخص پارٹی عہدیدار بن سکتا ہے؟ انہوں نے آنے والے عام انتخابات کے حوالے سے کہا کہ ہمیں الیکشن کمیشن اور چیف جسٹس آف پاکستان پر مکمل اعتماد ہے کہ وہ صاف، شفاف انتخابات کے انعقاد میں اپنا کردار ادا کریں گے۔
پی ٹی آئی کے نئے سربراہ پر طنز کرتے ہوئے ان کا کہنا تھا کہ ’عمران خان کو چیئرمین کے عہدے کے لیے پوری پی ٹی آئی میں سے کوئی ایک شخص بھی نہیں ملا، اس لیے عمران خان کو اپنی پارٹی کے اعلیٰ عہدے کے لیے ایک سابقہ ہی جیالا ملا‘۔
اسی طرح عوامی نیشنل پارٹی کے صدر ایمل ولی خان نے پی ٹی آئی انٹرا پارٹی انتخابات کو ’جمہوری نظام کا مذاق‘ قرار دیا، ایمل خان نے باچا خان مرکز سے جاری ایک بیان میں کہا اس عمل سے پورے جمہوری نظام کا مذاق اڑایا گیا اور بھگوڑوں کو عہدوں سے نوازا گیا۔
مشہور خبریں۔
نیتن یاہو کی حالت زار
?️ 8 اکتوبر 2023سچ خبریں: بنیامین نیتن یاہو نے مزاحمتی میزائلوں کی بارش کے سلسلہ
اکتوبر
افغانستان کی تاریخی یادگاروں کو سیلاب سے نقصان
?️ 1 اگست 2022سچ خبریں: نیمروز کے مقامی ذرائع نے اعلان کیا کہ گزشتہ 20
اگست
عمران خان کو اقتدار سے باہر رکھنے کی جدوجہد جاری رہے گی، فضل الرحمٰن
?️ 27 نومبر 2022اسلام آباد:(سچ خبریں) جمعیت علمائے اسلام (ف) کے سربراہ مولانا فضل الرحمٰن
نومبر
محمد علی سدپارہ کے متعلق حکومت اہم بیان جاری کر دیا
?️ 18 فروری 2021سکردو (سچ خبریں) گلگت بلتستان کے وزیر سیاحت ناصر علی خان نے
فروری
شام میں ایک بار پھر امریکہ کی شامت
?️ 19 اکتوبر 2023سچ خبریں: میڈیا ذرائع نے شام کے علاقے التنف میں واقع امریکی
اکتوبر
غزہ کے بارے میں سعودی وزیر خارجہ کا بیان
?️ 16 دسمبر 2023سچ خبریں: سعودی عرب کے وزیر خارجہ نے اوسلو اجلاس میں اس
دسمبر
اسلام آباد ہائیکورٹ فیصلہ: شہباز گل نے اپوزیشن کو ایک بار پھر الیکشن ریفارم کی دعوت دے دی
?️ 24 مارچ 2021اسلام آباد(سچ خبریں) چیئرمین سینیٹ الیکشن سے متعلق یوسف رضا گیلانی کی
مارچ
کیا فس بک نفرت اور تشدد پر مبنی پوسٹس کی حوصلہ افزائی کرتا ہے؟ اہم انکشاف
?️ 6 اکتوبر 2021نیویارک(سچ خبریں)سماجی رابطے کی ویب سائٹ فیس بک کی ایک سابق ملازمہ
اکتوبر