روس کی یوکرین بحران کے حل کے لیے تین اہم شرطیں

?️ 30 دسمبر 2025

سچ خبریں:روس کے وزیر خارجہ سرگئی لاوروف نے یوکرین بحران کے حل کے لیے روس کے تین اہم مطالبات کا اعلان کیا۔

روسیا الیوم کی رپورٹ کے مطابق روسی وزیر خارجہ سرگئی لاوروف نے یوکرین بحران کے حل کے لیے تین اہم شرائط پیش کی ہیں، جن میں علاقے کے جغرافیائی حقائق کی تسلیم، سیکیورٹی ضمانتیں، اور یوکرائن کی نیوٹرل حیثیت شامل ہیں۔

رپورٹ کے مطابق، لاوروف نے کہا کہ روس تین بنیادی شرائط کو حل کے لیے ضروری سمجھتا ہے اور انہیں اس بحران کے حوالے سے ہر سیاسی حل کے بنیادی اصول کے طور پر دیکھتا ہے۔

یہ بھی پڑھیں:یوکرین جنگ کےعالمی نظام پر سیاسی اثرات

انہوں نے وضاحت دی کہ پہلی شرط یہ ہے کہ کی یف اور اس کے مغربی اتحادیوں کو کریمیا، ڈونیٹسک، لوہانسک، سیواسٹپول، زاپوریزیا اور خیرسون کے موجودہ جغرافیائی حقائق کو باقاعدہ تسلیم کرنا ہوگا۔

دوسری شرط کے طور پر، لاوروف نے کہا کہ روس اس بات کا مطالبہ کرتا ہے کہ یوکرین کے بحران کے بنیادی اسباب کے حل اور مستقبل میں ان کے دوبارہ وقوع پزیر ہونے سے بچنے کے لیے بین الاقوامی ضمانتیں فراہم کی جائیں، اس میں یہ بھی شامل ہے کہ یوکرین کو کسی فوجی اتحاد میں شامل نہ کیا جائے اور اس ملک سے نیوکلیئر ہتھیاروں اور جارحانہ ہتھیاروں کو ہٹایا جائے، نیز اسے نازی خیالات سے آزاد کیا جائے۔ مزید یہ کہ یوکرین کو نیٹو کے مقاصد کے لیے استعمال ہونے سے روکا جائے۔

تیسری شرط میں روس نے یوکرین کی غیر جانبدار حیثیت کو تسلیم کرنے کا مطالبہ کیا، اور کہا کہ اس ملک کو کسی فوجی اتحاد کا حصہ نہیں بننا چاہیے۔

مزید پڑھیں:یوکرین کی جنگ کے تیسرے سال میں میدان جنگ، نقصانات اور اقتصادی اثرات کا جائزہ

لاوروف نے یہ بھی کہا کہ اس وقت جنگی کارروائیوں کی قیادت روس کی فوج کر رہی ہے اور مغربی ممالک اس بات سے بخوبی آگاہ ہیں کہ ماسکو کے مقاصد خواہ سیاسی ہوں یا فوجی، وہ مکمل طور پر حاصل ہوں گے۔ انہوں نے مزید کہا کہ روس یوکرین میں انتخابات کے انعقاد کا بھی خواہاں ہے۔