محرم میں سوشل میڈیا پر مذہبی منافرت پھیلانے والے عناصرکیخلاف سخت کارروائی کا فیصلہ

?️

اسلام آباد: (سچ خبریں) وفاقی حکومت نے محرم کے دوران امن وامان یقینی بنانے کے لیے تمام ضروری اقدامات کا فیصلہ کرلیا، محرم کے دوران سوشل میڈیا پر مذہبی منافرت پھیلانے والے عناصرکیخلاف سخت کارروائی ہوگی جبکہ انٹرنیٹ اور موبائل فون بندش کا فیصلہ متعلقہ صوبوں کی مشاورت سے ہوگا۔

ڈان نیوز کے مطابق اسلام آباد میں وفاقی وزیرداخلہ محسن نقوی کی زیر صدارت ملک بھر میں محرم الحرام سیکیورٹی پلان پراہم اجلاس ہوا، جس میں تمام صوبوں، آزاد کشمیر، گلگت بلتستان اور اسلام آباد میں محرم الحرام کے سکیورٹی پلان کا تفصیلی جائزہ لیا گیا۔

اجلاس میں سوشل میڈیا پر مذہبی منافرت پھیلانے والے عناصر کے خلاف سخت کارروائی کا فیصلہ کیا گیا، اس حوالے سے الیکٹرانک و سوشل میڈیا پر نفرت انگیز مواد کی روک تھام کے لیے پیمرا کو واضح سفارشات ارسال کی جائیں گی۔

محرم الحرام کے دوران امن وامان یقینی بنانے کے لیے تمام ضروری انتطامی اقدامات کا بھی فیصلہ ہوا، اجلاس میں فیصلہ کیا گیا کہ انٹرنیٹ یا موبائل فون سروس کی بندش کا فیصلہ سکیورٹی خدشات کے تناظر میں متعلقہ صوبوں کی مشاورت سے کیا جائے گا۔

وزیر داخلہ محسن نقوی نے ہدایت کی کہ انٹرنیٹ یا موبائل فون سروس کے حوالے سے فیصلہ زمینی حقائق اور سیکیورٹی صورتحال کو مدنظر رکھ کر کیا جائے، تمام ضروری اقدامات اور فیصلے باہمی مشاورت سے کیے جائیں گے۔

محسن نقوی نے باور کرایا کہ وفاق صوبوں، آزاد کشمیر، گلگت بلتستان اور اسلام آباد میں قیام امن کے لیے ہر ممکن تعاون فراہم کرے گا، کسی کو بھی اشتعال انگیزی اور شرپسندی کی ہرگز اجازت نہیں دی جائے گی۔

واضح رہے کہ صوبوں کی جانب سے محرم الحرم میں امن و امان یقینی بنانے کے لیے پہلے ہی اقدامات کا اعلان کیا جاچکا ہے۔

پنجاب اور سندھ میں یکم سے 10 محرم الحرام تک دفعہ 144 نافذ کرنے کا فیصلہ کیا گیا ہے جبکہ سندھ میں بغیر اجازت جلسوں، ریلیوں اور اسلحہ ساتھ لے کر چلنے پر پابندی ہوگی۔

محکمہ داخلہ سندھ کے نوٹیفکیشن کے مطابق یکم تا 10 محرم الحرام سندھ میں میں اسلحہ لے کر چلنے کے اجازت نامے معطل رہیں گے، جبکہ ڈرون، ہیلی کیم، بغیراجازت جلسے اور ریلی نکالنے اور لاؤڈ اسپیکر کےغیرقانونی استعمال پر پابندی ہوگی۔

نوٹیفکیشن کے مطابق 9 اور 10 محرم کو سندھ بھر میں موٹرسائیکل کی ڈبل سواری پر پابندی ہوگی۔

ترجمان محکمہ داخلہ پنجاب نے بتایا کہ محرم الحرام کے جلوسوں اور مجالس میں مزید اضافہ نہیں ہوگا، متعلقہ حکام کی اجازت کے بغیر عوامی مقامات پر ہر قسم کے ہتھیار اور آتش گیر موادکی نمائش پر بھی پابندی عائد ہوگی۔

دفعہ 144 کے تحت عوامی جذبات، عقیدوں اور فرقوں کو بھڑکانے والے اشتعال انگیز نعروں اور اشاروں پر مکمل پابندی عائد ہوگی، کسی بھی طریقے سے فرقہ وارانہ یا نسلی منافرت کو ہوا دینے والے بیانات اور تبصروں پر بھی دفعہ 144 نافذ ہوگی۔

مشہور خبریں۔

ہم نے شام میں داعش کے سربراہ کو مار ڈالا: اردوغان

?️ 1 مئی 2023سچ خبریں:ترکی کے صدر رجب طیب اردوغان نے اتوار کی شام اعلان

پی پی پی کا پی ٹی آئی سے مذاکرات کے حوالے سے ماحول سازگار بنانے کیلئے پینل کا اعلان

?️ 14 اپریل 2023اسلام آباد:(سچ خبریں) سابق صدر آصف علی زرداری کی جانب سے وزیراعظم

صیہونی جاسوس یونٹ 8200 کو غیرمعمولی بحران کا سامنا

?️ 23 نومبر 2024سچ خبریں:صیہونی ریاست کے سابق فوجی افسران نے اعتراف کیا ہے کہ

سعودی عرب میں 2021 میں سزائے موت کے قوانین میں شدت

?️ 13 جنوری 2022سچ خبریں:سعودی عرب میں انسانی حقوق کے سیاہ ریکارڈ پر زور دیتے

بلوچستان حکومت نے اپوزیشن کے خلاف مقامی عدالت میں درخواست دائر کردی

?️ 25 جون 2021بلوچستان(سچ خبریں) بلوچستان کی اپوزیشن جماعتوں نے 18 جون کو صوبائی اسمبلی

صیہونی جاسوس سافٹ وئر کے ذریعے الجزیرہ چینل کے 34 نامہ نگاروں کے سیل فونز ہیک

?️ 21 جنوری 2022سچ خبریں:الجزیرہ چینل کے 34 صحافیوں اور پروڈیوسرز کو صیہونی جاسوس سافٹ

اقوام متحدہ میں روسی نمائندے نے صہیونی نمائندے کو کیا کہا؟

?️ 13 مئی 2024سچ خبریں: آج ویانا میں بین الاقوامی تنظیموں میں روس کے نمائندے

لبنانی وزیراعظم کے انتخاب میں سعودی مداخلت

?️ 25 جون 2022سچ خبریں:لبنانی وزیر اعظم کے انتخاب کے لیے ہونے والی مشاورت میں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے