شہباز شریف کا سعودی عرب کے ولی عہد شہزادہ محمد بن سلمان سے ٹیلی فونک رابطہ

?️

اسلام آباد(سچ خبریں)وزیر اعظم محمد شہباز شریف نے سعودی عرب کے ولی عہد شہزادہ محمد بن سلمان سے ٹیلی فونک رابطہ کیا اور عید الفطر کے پرمسرت موقع پر نیک تمناؤں کے اظہار کے ساتھ مبارکباد پیش کی ہے۔

وزیراعظم آفس کی جانب سے جاری اعلامیے کے مطابق وزیراعظم نے حرمین شریفین کے متولی شاہ سلمان بن عبدالعزیز اور سعودی عرب کے برادر عوام کے لیے نیک تمناؤں اور دعاؤں کے ساتھ ساتھ عید کی مبارکباد دی۔

اعلامیے کے مطابق وزیراعظم شہباز شریف نے 28 سے 30 اپریل 2022 کو اپنے حالیہ دورہ سعودی عرب کے دوران سعودی قیادت اور حکومت کی جانب سے پرتپاک استقبال اور فراخدلانہ مہمان نوازی پر شکریہ ادا کیا۔

دورے کے دوران سعودی ولی عہد کے ساتھ اپنی گفتگو کو یاد کرتے ہوئے وزیراعظم نے پاکستان کی جانب سے سعودی عرب کے ساتھ تاریخی برادرانہ تعلقات کو مزید مضبوط بنانے اور تمام شعبوں میں دونوں ممالک کے درمیان اسٹریٹجک تعلقات کو مزید بلند کرنے کی خواہش کا اعادہ کیا۔

وزیر اعظم نے سعودی ولی عہد کے ساتھ اپنی حالیہ ملاقات کے دوران کیے گئے فیصلوں پر عمل درآمد کے لیے اپنے پختہ عزم پر بھی زور دیا۔

سعودی علی عہد شہزادہ محمد بن سلمان نے بھی وزیر اعظم پاکستان کی جانب سے عید کی مبارکباد کا گرمجوشی سے جواب دیا اور پاکستانی عوام کے لیے مبارکباد اور نیک خواہشات کا اظہار کیا۔

سعودی ولی عہد نے دوطرفہ تعاون کو آگے بڑھانے اور متنوع بنانے کے لیے مل کر کام کرنے کی خواہش کا اعادہ کرتے ہوئے وزیر اعظم شہباز شریف کے حالیہ دورہ سعودی عرب کے دوران طے پانے والی مفاہمت پر عملدرآمد کے عزم پر زور دیا۔

اعلامیے کے مطابق دونوں قائدین نے دونوں برادر ممالک کے عوام کے باہمی مفادات کے لیے دوطرفہ تعلقات کو مزید گہرا اور وسیع کرنے کے لیے مل کر کام کرنے کی خواہش کا اعادہ کیا۔

واضح رہے کہ وزیراعظم شہباز شریف وزارت عظمیٰ سنبھالنے کے بعد 28 اپریل کو اپنے پہلے غیر ملکی دورے پر سعودی عرب پہنچے تھے۔

تین روزہ غیر ملکی دورے کے دوران ‏وزیر اعظم شہباز شریف اور سعودی ولی عہد شہزادہ محمد بن سلمان بن عبدالعزیز کے مابین ملاقات بھی ہوئی جس میں پاکستان اور سعودی عرب کے تعلقات، معیشت، سرمایہ کاری، تجارت کو مضبوط بنانے اور باہمی دلچسپی کے امور پر تبادلہ خیال کیا گیا۔

مشہور خبریں۔

ٹویٹر کے سابق مینیجر سعودی عرب کے لیے جاسوسی کے مجرم

?️ 10 اگست 2022سچ خبریں:ٹویٹر کے ایک سابق ایگزیکٹیو کو سعودی عرب کے لیے جاسوسی

نیٹو مولڈووا کو ہڑپ کرنے کے درپے!

?️ 28 دسمبر 2024سچ خبریں:روسی وزارت خارجہ کی ترجمان کا کہنا ہے کہ اگرچہ مولڈووا

عراقی سرحد پر غیر قانونی کراسنگ کے ذریعے شامی تیل کی چوری

?️ 3 جنوری 2022سچ خبریں:  قابض امریکی افواج نے درجنوں ٹرکوں کے قافلے کو جو

بن سلمان اور السیسی کا فلسطین میں فوری جنگ بندی پر زور

?️ 10 اکتوبر 2023سچ خبریں:سعودی عرب کے ولی عہد محمد بن سلمان نے مصری صدر

ٹرمپ کے اقدام سے امریکی سلامتی خطرے میں

?️ 10 جون 2023سچ خبریں:ٹرمپ تحقیقات کے خصوصی پراسیکیوٹر نے نشاندہی کی کہ سابق صدر

فلسطینی میزائلوں کا خوف، صہیونیوں نے بھاگنا شروع کردیا

?️ 20 مئی 2021غزہ (سچ خبریں)  فلسطین کی جانب سے اسرائیلی دہشت گردی کا پوری طاقت

ایران نے فوجی ٹیکنالوجی کے میدان میں نمایاں ترقی کی ہے:امریکی میگزین

?️ 14 مئی 2022سچ خبریں:امریکی میگزین نے ایران بحریہ کے کمانڈر کے حالیہ بیان پر

ایرانی ایٹمی معاہدے سے نکلنا ہماری سب سے بڑی غلطی تھی:امریکہ

?️ 8 دسمبر 2021سچ خبریں:وال سٹریٹ جرنل کو انٹرویو دیتے ہوئے امریکی وزیر خارجہ نے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے