شاہ محمود قریشی کا ’تمام اسٹیک ہولڈرز‘ پر انتہاپسندوں کی واپسی کا الزام

?️

لاہور: (سچ خبریں) پی ٹی آئی کے وائس چیئرمین شاہ محمود قریشی نے عسکری قیادت کی جانب سے پارلیمنٹ کے ان کیمرا اجلاس میں سابق حکومت پر انتہاپسندی میں اضافے کا الزام عائد کرنے کے دو دن بعد ردعمل میں ٹی ٹی پی کی قبائلی اضلاع میں دوبارہ آباد کاری کا الزام تمام سیاسی جماعتوں پر ڈالنے کی کوشش کی ہے۔

میڈیا رپورٹس کے مطابق شاہ محمود قریشی نے ایک انٹرویو میں اس تاثر کو رد کردیا کہ انتہاپسندوں کو پی ٹی آئی کی حکومت اور اس وقت کی فوجی قیادت کی وجہ سے دوبارہ لایا گیا۔

انہوں نے وضاحت کرتے ہوئے کہا کہ ’جب طالبان افغانستان سے پاکستان آنے کے لیے بے تاب تھے تو انہیں مرکزی دھارے میں لانے کا فیصلہ کیا گیا تھا اور اس کے لیے چند شرائط رکھی گئی تھیں کہ وہ آئین کی تابعداری کریں گے، اسلحہ پھینک دیں گے اور اپنے مخصوص علاقوں میں پرامن رہیں گے‘۔

حکمران اتحاد اور موجودہ فوجی قیادت کی طرف اشارہ کرتے ہوئے ان کا کہنا تھا کہ ’آج جو لوگ اعتراض کر رہے ہیں انہوں نے بھی پی ٹی آئی کے دور میں ہونے والی بریفنگز میں شرکت کی تھی‘۔

پی ٹی آئی کے وائس چیئرمین نےکہا کہ بریفنگ کے بعد اس حوالے سے حکمت عملی بنانے کے لیے اجازت دینے کا فیصلہ کیا گیا تھا تاہم پی ٹی آئی کی حکومت برطرف کردی گئی اور پی ٹی آئی کے بعد آنے والی اتحادی حکومت موجودہ بحران کی ذمہ دار ہے۔

انہوں نے کہا کہ پی ٹی آئی حکومت کے دور میں دہشت گردی میں واضح کمی آئی تھی لیکن گزشتہ ایک سال کے دوران دہشت گردی کے واقعات میں اضافہ ہوچکا ہے۔

اجلاس سے باخبر ذرائع نے انکشاف کیا کہ عسکری قیادت نے چند روز قبل اراکین پارلیمنٹ کو بریفنگ میں انتہاپسندی میں اضافے کا الزام پی ٹی آئی کی حکومت اور اس وقت کی فوجی قیادت پر عائد کیا تھا۔

اجلاس کے دوران چیف آف آرمی اسٹاف جنرل عاصم منیر نے قرآن کی متعدد آیات کا حوالہ دیتے ہوئے بتایا کہ انتہاپسندوں کو قبائلی اضلاع میں واپس لانا ایک غلطی تھی۔

ان کا مؤقف تھا کہ اسلام کی تعلیمات کی روشنی میں انتہاپسندوں کے خلاف ایک وسیع آپریشن شروع کیا گیا تھا لیکن بعد میں انتہاپسندوں کو واپسی کی اجازت دے دی گئی، جس کے نتیجے میں ملک انتہاپسندی میں اضافے کا سامنا کر رہا ہے۔

ذرائع نے بتایا کہ آرمی چیف نے کہا کہ آئین بالادست ہے اور ہر کسی کی بقا اس پر مکمل عمل درآمد پر ہے اور انہوں نے کہا کہ وہ پارلیمنٹ میں بیٹھنے پر فخر محسوس کرتے ہیں۔

انہوں نے کہا کہ آرمی چیف نے بتایا کہ آئین کی گولڈن جوبلی جشن کے بعد، جو گزشتہ ہفتے منعقد ہوئی تھی، وہ فوج کی مختلف فارمیشنز میں گئے اور جوانوں پر زور دیا کہ وہ آئین کا احترام کریں۔

پی ٹی آئی کے دور حکومت اور موجودہ اجلاس میں شریک مزید ذرائع نے ڈان کو بتایا کہ قبائلی اضلاع میں انتہاپسندوں کی دوبارہ واپسی کے منصوبے پر سوائے پاکستان پیپلزپارٹی (پی پی پی) کے چیئرمین بلاول بھٹو زرداری کے کسی نے تحفظات کا اظہار نہیں کیا تھا۔

ذرائع نے بتایا کہ پی پی پی چیئرمین نے سوال کیا تھا کہ طالبان کی دوبارہ آباد کاری کیسے ہوسکتی ہے اور اس کی کیا ضمانت ہے کہ وہ اپنے مخصوص علاقوں میں رہیں گے۔

انہوں نے کہا کہ ’ہم سب اس اجلاس میں اور موجودہ اجلاس میں بھی جو بریفنگ دی گئی، اس پر صرف تالیاں بجاسکتے تھے‘۔

اجلاس کے چند شرکا نے تجویز دی کہ ان کیمرا اجلاس کے منٹس پی ٹی آئی کے بیانیے کو نقصان پہنچانے کے لیے عام کردیے جائیں۔

رپورٹ کے مطابق قومی اسمبلی کا اسپیکر پہلی مرتبہ آرمی چیف اور وزیراعظم کے ساتھ نیچے بیٹھنے کے بجائے اپنی ڈائس پر بیٹھے رہے، اس اقدام کی تعریف قائد حزب اختلاف راجا ریاض نے کی اور انہوں نے ’پارلیمان کی توقیر برقرار رکھنے‘ پر اسپیکر کی تعریف کی۔

مشہور خبریں۔

امریکہ کی دہشت گرد پروری کو جواز فراہم کرنے کی جدوجہد

?️ 8 مارچ 2022سچ خبریں:یوکرین کی حکومت کی جانب سے اپنے ملک میں لڑنے کے

فیس بک کے 3 ماہ میں ایک ارب 30 کروڑ جعلی اکاؤنٹس ڈیلیٹ کیوں کئے گئے؟

?️ 23 مارچ 2021نیویارک(سچ خبریں) فیس بک نے 2020 کی آخری سہ ماہی کے دوران

ٹرمپ کا مشرقِ وسطیٰ کا دورہ: پرتشہیر مگر بے اثر

?️ 14 مئی 2025سچ خبریں: چین کی سرکاری میڈیا ویب سائٹ "دی پیپر” نے امریکی صدر

امریکہ کا داعش کے رہنماؤں کو عراقی جیلوں سے نکالنے کا منصوبہ

?️ 13 فروری 2022سچ خبریں:  قانون کی حکمرانی کے اتحاد کے ایک رکن نے داعش

بائیڈن یوکرین کے لیے امریکی کانگریس سے کیا مانگنا چاہتے ہیں؟

?️ 10 اگست 2023سچ خبریں: باخبر ذرائع کا کہنا ہے کہ امریکی صدر اس ملک

برطانیہ کی حکومت نے اپنے شہریوں پر ٹیکس لگایا

?️ 23 نومبر 2023سچ خبریں:انگریزی اشاعت کے مطابق برطانوی شہریوں کے ٹیکس محصولات کو غزہ

آزاد کشمیر: صدارتی آرڈیننس پر مذاکرات تعطل کا شکار، مظاہرین کی اسلام آباد کی جانب مارچ کی دھمکی

?️ 7 دسمبر 2024 مظفر آباد: (سچ خبریں) آزاد جموں و کشمیر میں شہری تنظیموں

حکومت کی سرگرمیوں کو اجاگر کرنے اربوں روپے کی منظوری

?️ 27 مارچ 2021اسلام آباد(سچ خبریں)کابینہ کی اقتصادی رابطہ کمیٹی (ای سی سی) نے وزیراعظم

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے