?️
پشاور: (سچ خبریں) پشاور ہائیکورٹ نے وزارت داخلہ کو حکم دیا ہے کہ وہ پاکستانی خاتون کی جانب سے اپنے افغان شوہر کو شہریت دینے کے لیے جمع کرائی گئی درخواست پر قانون کے مطابق فیصلہ کرے۔
میڈیا رپورٹس کے مطابق یہ درخواست چند برس قبل افغان شہری محمد طاہر سے شادی کرنے والی زینت بیگم کی جانب سے دائر کی گئی تھی۔
درخواست گزار کے وکیل ایڈووکیٹ سیف اللہ محب کاکاخیل نے دلائل دیتے ہوئے کہا کہ وزارت نے زینت بیگم کی ان کے شوہر کو شہریت دینے کی درخواست بغیر جائزہ لیے مسترد کی۔
وکیل کے مطابق درخواست گزار جوڑے کے بچوں کو نیشنل ڈیٹابیس اینڈ رجسٹریشن اتھارٹی (نادرا) نے فارم ’بی‘ یا پیدائشی سرٹیفکیٹ جاری نہیں کیے کیونکہ ان کے والد کے پاس قومی شناختی کارڈ (این آئی سی) نہیں تھا۔
اسسٹنٹ اٹارنی جنرل ملک دانیال خان اور نادرا کے لا افسر شاہد عمران گیگیانی نے پشاور ہائیکورٹ کو بتایا کہ محمد طاہر اس وقت تک قومی شناختی کارڈ کے حقدار نہیں ہیں جب تک کہ وہ پاکستان سٹیزن شپ ایکٹ 1951 کے سیکشن 10 (2) کے تحت درخواست دے کر سیکریٹری داخلہ سے شہریت کا سرٹیفکیٹ حاصل نہیں کر لیتے۔
وکیل ایڈووکیٹ سیف اللہ محب کاکاخیل نے استدلال کیا کہ پاکستان سٹیزن شپ ایکٹ 1951 کی دفعہ 10 (2) امتیازی ہے، اس کے تحت مرد اور خواتین کے ساتھ یکساں سلوک نہیں کیا جاتا۔
جسٹس عبدالشکور اور جسٹس سید ارشد علی پر مشتمل پشاور ہائی کورٹ کے بینچ نے ریمارکس دیے کہ درخواست گزاروں نے شہریت سرٹیفکیٹ کے حصول کے لیے وزارت داخلہ سے رجوع کرنے کا مناسب طریقہ کار اختیار نہیں کیا اور درخواست دائر کرکے براہ راست عدالتی دائرہ اختیار کو استعمال کیا۔
اس کے بعد عدالت عالیہ کے بینچ نے درخواست نمٹاتے ہوئے درخواست گزاروں کو وزارت داخلہ سے رجوع کرنے کی ہدایت کی۔
پشاور ہائی کورٹ نے حکم دیا کہ وزارت داخلہ سے توقع کی جاتی ہے کہ درخواست گزار کی جانب سے مذکورہ مقصد کے لیے اس سے رجوع کرنے کی صورت میں وہ جلد، قانون کے مطابق پٹیشن میں اٹھائے گئے معاملے کے سلسلے میں درخواست گزار کے کیس کا فیصلہ کرے گی۔
عدالت عالیہ نے فیصلہ دیا کہ شہریت کا مطلوبہ سرٹیفکیٹ حاصل کرنے کے بعد محمد طاہر قومی شناختی کارڈ کے لیے اہل ہوں گے۔
مشہور خبریں۔
چینی کمپنیوں کی پاکستان میں بڑے منصوبوں میں سرمایہ کاری پر رضامندی
?️ 2 نومبر 2022اسلام آباد:(سچ خبریں) وزیراعظم محمد شہباز شریف کی دعوت پر چینی کمپنیوں
نومبر
مغرب تیزی سے روس کے ساتھ جنگ کی تیاری میں
?️ 22 جولائی 2024سچ خبریں: سربیا کے صدر الیگزینڈر ووچک نے اعلان کیا کہ مغرب
جولائی
غزہ اسپتال پر صیہونی بمباری پر روس کا ردعمل
?️ 18 اکتوبر 2023سچ خبریں: روسی وزارت خارجہ نے اعلان کیا کہ غزہ کے ایک
اکتوبر
بہاولپور: 8 سالہ بچی کے ریپ کا الزام ثابت، مجرم کو سزائے موت
?️ 28 مارچ 2021لاہور(سچ خبریں)بہاولپور میں انسداد دہشت گردی کی عدالت نے 8سالہ بچی کے
مارچ
ملکی مسائل حل کرنے کیلئے پائیدار عالمی تعلقات ضروری ہیں، بلاول بھٹو
?️ 17 جون 2023اسلام آباد:(سچ خبریں) وزیر خارجہ بلاول بھٹو زرداری نے کہا ہے کہ
جون
سید حسن نصر اللہ نے اسرائیل کی ڈیٹرنس پاور کو کمزور کیا
?️ 29 اگست 2024سچ خبریں: عبرانی زبان کے میڈیا نے مقبوضہ یروشلم سینٹر کے ایک محقق
اگست
انگلینڈ کے مانچسٹر ایئرپورٹ پر بجلی کے باعث پروازیں منسوخ
?️ 23 جون 2024سچ خبریں: انگلینڈ کے مانچسٹر ہوائی اڈے کا انتظامیہ کمپنی کے اعلان کے
جون
فلسطینی مجاہدین کی صیہونیوں پر کاری ضرب
?️ 14 اکتوبر 2024سچ خبریں: فلسطینی مزاحمتی گروہوں نے اعلان کیا ہے کہ انہوں نے
اکتوبر